Monisa Luzolo va Dikanda

Luzolo luidi buka cola yimbundisanga dikanda va kimueka. Ba kukhambu ba luzolo, balenda mona phasi kuba kithuadi ayi nguizani. Buidi nnuni, nkazi ayi matata balenda monisina luzolo va dikanda?

Nnuni widi luzolo, wumvuanga nkinza zitsatu zi nkazi’andi, mambu kankoluka ayi mabanza mandi. (Efeso 5:28, 29) Mvandi, nandi wunkiebanga zitsatu zi kinsuni ayi zi kiphevi zi dikanda diandi, kubunda mvandi kutatamana kuvanganga mbuongimini va dikanda. (1 Timoteo 5:8) Nkazi widi luzolo, wuntumukinanga nnuni’andi ayi ‘wukunkinzikanga.’ (Efeso 5:22, 33; 1 Petelo 3:1-6) Bawu babuadi bafueti ba bakubama muingi kukilemvukilanga. (Efeso 4:32) Matata madi luzolo, bamvuanga nkinza kadika muana ayi ba kuba longanga kuzola Yave. (Deutelonomi 6:6, 7; Efeso 6:4) Mambu mbi maphasi bana bamviokilanga ku kikola? Buidi bawu badi mu kunungina mawu? Va kuba luzolo luwombo va dikanda, baboso bambakanga lukiebu ayi nsika.

TALANU VIDEO MONISA LUZOLO LUKHAMBU SUKANGA VA DIKANDA. BOSI VANANU MIMVUTU MI BIUVU BINLANDA:

• 

  Buidi nnuni widi luzolo kankiebilanga nkazi’andi?

• 

  Buidi nkazi widi luzolo kammonisinanga lukinzu kuidi nnuni’andi?

• 

  Buidi matata madi luzolo banlongisilanga bana bawu kuzola Diambu di Nzambi?