Tadilanga Bakieto Bama Nuna Banga Zingudi Ayi Badi Matoko Banga Zikhomba

Kibibila ki tukindisa muingi tutadilanga zikhomba zi babakala ayi zi bakieto bama nuna banga ma- tata ayi zingudi ayi badi matoko banga zikhomba. (Tanga 1 Timoteo 5:1, 2) Zikhomba zi babakala, bawu bafueti luta kinzikanga zikhomba zi bakieto.

Khomba yi dibakala kalendi sakinina ko mabanza ma khomba yinkieto voti kutuba mambu malenda kunyokisa ntima. (Yobi 31:1) Khomba wu dibakala wukhambulu wukuela, kalendi vanga ko voti kutuba mambu mammonisa ti wunzolanga khomba yinkieto wukhambulu wukuela vayi mu ntim’andi kanzolang’andi ko.

Bakulutu ba kimvuka bafueti monisa ti bamvuanga nkinza zikhomba zi bakieto, mu kuba kuwa boboti mu thangu baba kuvula diambu voti bantuba mambu ma kuba kuazula. Bakulutu ba kimvuka bafueti kinzikanga zikhomba zi bakieto bakhambulu banuni muingi kuba kieba. —Luti 2:8, 9.

TALANU VIDEO MONISA LUZOLO LUKHAMBU SUKANGA MU KIMVUKA—KUIDI MIMFUIZI AYI BANA BATSIANA, BOSI VANANU MIMVUTU MI BIUVU BINLANDA:

• 

  Buidi zikhomba mu kimvuka bamonisina luzolo kuidi yaya Mynti?

• 

  Buidi luzolo lu zikhomba mu kimvuka luvanina kimbangi va nsengi?

• 

  Buidi luzolo lu zikhomba mu kimvuka lusadisila bana bandi?

Mu ziphila mbi wulenda monisina luzolo kuidi zikhomba zi bakieto mu kimvuka widi?