Longuka mu Kifuani ki Samueli

Samueli wuba wukuikama kuidi Yave mu luzingu luandi loso. Bo kaba ditoko Samueli kasa landakana ko bifu bimbi bi bana ba Eli Hofini ayi Finease. (1 Samueli 2:22-26) Samueli wutatamana kukonzuka ayi Yave wuba yandi. (1 Samueli 3:19) Bo kanuna, Samueli wutatamana kudiatila mu zinzila zi Yave voti kunsadila mu lukuikumunu, kheti bana bandi basa vanganga ko mawu.—1 Samueli 8:1-5.

Mbi tulenda longuka mu kifuani ki Samueli? Boti widi ditoko, ba lufiatu ti Yave zebi ziphasi zioso wumviokila. Nkua Ngolo Zioso Wumvuanga Batu Nkinza. Nandi kalenda kuvana lusalusu ayi mbombolo. (Yesaya 41:10, 13) Boti widi Tata ayi muan’aku kasiala bue sadila ko Yave, baka mbombolo mu kuzaba ti Samueli kasa kuika ko bana bandi batatamana bakuikama mu zithuadusulu zi Yave. Nandi wuyekula bizitu bioso mu mioko mi Yave ayi wutatamana wukuikama mu kukuangidika Tat’andi wu diyilu Yave. Ḿba kifuani kiaku kimboti kilenda sadisa muan’aku kuvutuka kuidi Yave.

TALANU VIDEO LONGUKA MU KIFUANI KI—SAMUELI, BOSI VANANU MIMVUTU MI BIUVU BINLANDA:

• 

  Buidi Samueli kamonisina kibakala bo kaba ditoko?

• 

  Buidi Dani kamonisina kibakala?

• 

  Bo kaba kiboba, buidi Samueli kamonisina kifuani kimboti?

• 

  Buidi matata ma Dani bamonisina kifuani kimboti?