Banani Bakundi Baku mu Internet?

Nkundi wukiedika wunsundula kuba wukuikama na wunkaka ayi kumonasana luzolo.” Dedi bo Davidi kavonda Ngoliati, Yonatani wuyisa ba yandi kikundi kingolo. (1 Samueli 18:1) Kadika mutu mu bawu wuba zikhadulu zisadisa wunkaka. Mvandi kikundi kiawu kiyisila mu nzayilu yikiedika. Vantombuluanga thangu ayi mangolo muingi kuzaba buboti mutu wunkaka. Vayi mu internet, vantombuluanga to kuvitika “bukundi” muna thangu. Kibila mu internet batu bansolanga mambu bantuba ayi bamvanga, mvandi bannunganga kusueka phila mutu mbi bawu badi. Diawu fueti zaba kusola buboti bakundi mu internet.’ Bika kumona boma bu kukhambu vitika bukundi na batu wukhambu zaba buboti mu internet mu kuyindula ti wunkuiza balueka ntima. Mu kutadila mambu mambi mammonikanga mu internet, bawombo balembu kubue sadilanga internet muingi kuvanga bukundi. Vayi boti ngie wunsola kusadila internet muingi kuvanga bukundi, mambu mbi fueti tebukanga moyo?

TALANU VIDEO BA DIELA MU KUSADILA INTERNET, BOSI VANANU MIMVUTU MI BIUVU BINLANDA:

• 

  Mbi fueti tebukanga moyo ava kufila mensagem ayi kutula foto mu internet?

• 

  Kibila mbi fueti sodila bakundi mu internet mu nduenga?

• 

  Kibila mbi fueti sikikila ndilu ayi thangu wunkuiza sadilanga internet?—Efeso 5:15, 16