Ziphasi Zioso Zidi Tsukulu

Ziphasi zinluta tubikanga mu kiunda, bulutidi boti zisi mfika mana ko. Davidi wuzaba ti ziphasi kaba viokila mu kibila ki ntinu Sauli ziala mana ayi mu thangu yifuana wala ba ntinu dedi bo Yave kakanikisila. (1 Samueli 16:13) Kiminu Davidi kaba kinsadisa kuba mvibudulu mu Yave.

Bo tumviokila mu ziphasi tulenda bua mu ntambu wu kusadila nduenga, nzayilu ayi mangolo mitu muingi kudekisa mambu tumviokila. (1 Samueli 21:12-14; Zingana 1:4) Vayi mambu mankaka malenda kadidila kheti bo tunlandakana minsua mi Kibibila. Mu mambu amomo tufueti ba mvibudulu ayi kuvingila mu Yave. Nkadu to wunkambu Yave wala manisa mambu moso maphasi tumviokilanga ayi “kufiona matsuela” mu mesu mitu. (Nzaikusu 21:4) Kheti tulenda baka luvovomu mu mambu tumviokila mu lusalusu lu Yave voti mu ziphila zinkaka, tuidi lufiatu ti: Ziphasi zioso zidi tsukulu. Ayi mawu matuvananga mbombolo.

TALANU VIDEO DIKABU DIDI KITHUADI MU NZA YIDI KITHATU, AYI VANANU MIMVUTU MI BIUVU BINLANDA:

• Mu mambu mbi maphasi zikhomba ku sudi yi Estados Unidos baviokila?

• Buidi bawu bamonisina mvibudulu ayi luzolo?

• Buidi bawu batatiminina kusikika mayindu “mu mambu malutidi nkinza”?—Filipi 1:10