Baka Nduenga yi Lumbu ka Lumbu mu JW.ORG

Diambu di Nzambi di tukubikanga muingi tununga zithotolo tundengananga mu bilumbu abibi bitsuka. (2 Timoteo 3:1, 16, 17) Vayi khumbu zinkaka, tulenda tomba lusalusu muingi kubakula minsua tulenda sadila mu diambu tumviokila. Dedi, ngie wuntomba lusalusu muingi kukonzula bana? Ngie widi ditoko wumviokila mu zikhuamukusu mu kibila ki kiminu kiaku? Ngie widi mu kiunda kibila wufuilu nnuni voti nkazi? Ngie wulenda sadila jw.org muingi wubakula minsua mi Kibibila milenda kusadisa mu mambu amomo ayi mu mambu mankaka.—Zingana 2:3-6.

Yenda va thonono khond’itu mayo jw.org, bosi kota vantuba MALONGI MA KIBIBILA. (Tala fikula 1.) Sola mambu wutidi kulonguka. Wulenda kota mvandi vantuba BILONGULU vo wulenda dengana MAMBU MANKAKA WULENDA LONGUKA. (Tala fikula 2.) Wulenda dengana zinzila zioso aziozio mu JW Library^®.a Ngie wunkuiza zola beni kutomba malongi mu bibuangu abiobio. Mvandi, wulenda sonika mambu wuntomba va kibuangu ki kutombila mu khond’itu mayo jw.org.

Sonika mambu manlanda va kibuangu ki kutombila mu khond’itu mayo ayi sola malongi wuntomba kutanga.

• Kukonzula bana

• Kiunda kingolo matoko bamviokilanga

• Kufuilu nnuni voti nkazi