KIUKA KIDI MU DIAMBU DI NZAMBI

Sola mu Nduenga Mutu wu Kukuela

Salomo wumonisa kukhambu ku nduenga bo kakuela bakieto baba buongiminanga zinzambi zi luvunu (1 Mintinu 11:1, 2; w18.07 18 ¶7)

Malembe malembe, bakieto beni bavanga Salomo kubika kubue buongiminanga to Yave (1 Mintinu 11:3-6; w19.01 15 ¶6)

Yave wudasukila Salomo (1 Mintinu 11:9, 10; w18.07 19 ¶9)

Ndandasana yi zifoto: Khomba yinkieto wukhambulu wukuela wumvanga ndongukul’andi yi Kibibila ayi widi mu kuyindula zikhadulu zi khomba yi dibakala wukhambulu wukuela. 1. Khomba beni yi dibakala widi mu kuvana mvutu mu lukutukunu. 2. Khomba beni widi mu kuvana kimbangi ki baboso. 3. Khomba beni widi mu kusadisa kudiodisa Nzo yi Kintinu.

Diambu di Nzambi, dinkindisa Baklisto bakhambulu bakuela ‘bakuedila to mu Mfumu.’ (1 Kolinto 7:39) Vayi, mawu masinsundula ko ti baboso badi babotama bankuiza ba Baklisto bafuana muingi kukuela. Bukiedika ti nandi wala kusadisa kusadila Yave mu muel’aku woso? Bukiedika ti nandi mana monisa ti wunzolanga beni Yave? Ava kukuela, botula thangu muingi wuzaba buboti mutu wuntomba kukuela.