Dikuela—Difueti Kadidila

Bakuela bantumukinanga minsua mi Nzambi, banzitisanga Yave ayi bambakanga mayangi va dikuela. (Malako 10:9) Muingi dikuela dikadidila ayi diba mayangi, Baklisto bafueti landakana buboti minsua mi Kibibila mu thangu bansola mutu wu kukuela.

Tona to bumasi ngie kutuka phunga yo wulenda nungina kuyala zitsatu ziaku zitedi kubundana nhitu. (1 Kolinto 7:36) Sadila buboti luaku widi lu kukhambu kuela, muingi wukindisa kikundi kiaku na Yave ayi kukuna zikhadulu zi kiphevi. Mu phila ayoyo, bo wala kuela ngie wala tuadisa mayangi va dikuela diaku.

Ava kukikinina kukuela mutu, botula thangu muingi wunzaba buboti. (1 Petelo 3:4) Ngie kumona mambu ma kutatisa matedi kimasi kiaku, yolukilanu mawu va kimueka. Dedi mu mambu mankaka ma luzingu, va dikuela mvandi, ngie wufueti ba wukubama mu kuvana, bika to kutambula. (Filipi 2:3, 4) Ngie kutona kusadila minsua mi Kibibila ava kukuela, buna wala luta ba wukubama muingi kutuadisa mayangi va dikuela diaku.

TALANU VIDEO KHUBUMUNU MUINGI KUKUELA—KITINI 3: “FIONGUNINA THETI MAMOSO MANTOMBULU,” BOSI VANANU MIMVUTU MI BIUVU BINLANDA:

• Buidi bumasi bu khomba ayoyo yinkieto na Shane buaba kuendila?

• Mbi nandi kayiza visa matedi kimasi kiandi bo kanzaba buboti?

• Buidi matata mandi bansadisila ayi makani mbi manduenga kabaka?