ZINGILA MU BUKLISTU
Kubama mu Mambu Maphasi Wulenda Monikina Matedi Buvinha
Kibila mbi fueti kubimina? Yoso kua thangu, tulenda monikina diambu di phasi, di tuvanga kuviokisa thangu yiwombo ku nzo ḿbuku. Diawu, vanga dioso diambu ayi sadila loso luaku kimvuka ki Yave kitu vananga muingi tutambula lusadusu befu kumonikina diambu ditedi buvinha buitu. Mu kuvanga mawu, ngie wunkuiza monisa ti wunkinzikanga monho ayi nsiku wu Yave matedi menga.—Mavanga 15:28, 29.
Mbi ngie wulenda vanga muingi kukubama?
Mu keba keba ayi mu nsambu, wesa nkanda (DPA) wulenda kusadisa kukikakidila mu mambu matedi menga.a Zikhomba babotama balenda dinda nkanda awowo kuidi nsadisi wunkebanga bilongolo, ayi balenda dindila bana bawu Cartão de Identidade (ic).
Boti ngiewu widi mu buemba, dinda kuidi bakulutu ba kimvuka ba kuvana nkanda Informações para Mães Gravidas (S-401). Nkanda awowo wulenda kusadisa kubaka makani mamboti matedi mambu wulenda monikina bo widi mu buemba voti mu thangu yi kubuta.
Boti ngie wunsola mbukulu yimueka yilenda kutuadisa mambu matedi menga, voti yilenda vanga kuviokisa thangu yiwombo ku nzo ḿbuku, fika zabikisa mawu kuidi bakulutu ba kimvuka ayi zabikisa mvandi mimfelimi ti yoso kua thangu zikhomba balenda kuiza muingi kukutala ku nzo ḿbuku.
Buidi bakulutu ba kimvuka balenda sadisila? Bawu balenda kusadisa kuwesa nkanda DPA. Vayi, bakulutu ba kimvuka basi kukamba ko mambu ngie fueti vanga voti mayindu mawu veka. (Loma 14:12; Galata 6:5) Mu thangu wunzabikisa kuidi bakulutu ba kimvuka ti, widi mu kuviokila mu diambu dimueka ku nzo ḿbuku dilenda tombulu kubaka makani matedi menga, bawu bankuiza zabikisa mawu kuidi Dingumba Dinkakudilanga Mambu Matedi Menga (CLH) muingi bakusadisa. Bawu mvawu balenda kuvana nkanda, Informações para Pacientes que Requerem Cirurgia ou Quimioterapia (S-407). Nkanda awowo wulenda kusadisa beni boti ngie wukhidi tatamana kutambula mbukulu tona ba kupasula.
Buidi dingumba di CLH dilenda kusadisila? Zikhomba bansadilanga mu CLH bantambulanga khubumunu muingi kusadisa mimfelimi ayi mimfundisi kuvisa mambu tunkikininanga matedi menga. Bawu mvawu, balenda kuba sadisa kuvisa ziphila zinkaka zi kubukila mu khambu sadila menga. Boti kuba, bawu mvawu balenda kusadisa kubakula dotoli wulenda kikinina kubuka mu khambu sadila menga.
TALANU VIDEO BUIDI BU KUBAKILA MAKANI MATEDI BUVINHA PHILA BANSADILANGA MENGA, BOSI VANANU MIMVUTU MI BIUVU BINLANDA:
Mbi ngie belonguka mu video, malenda kusadisa kukubama ngie kumonikina mambu mantombulu kubuela menga?
a Dilongi 39 di buku Baka Mayangi Ma Mvu Ka Mvu! Dilenda kusadisa kubaka makani mu mambu matedi menga.