ZINGILA MU BUKLISTU
Makani Mbi Wulenda Baka mu Mvu Wumona wu Kisalu?
Makani ma kiphevi mansundula mambu moso tulenda vangila mangolo ma kudukisa muingi kubuela kukivana mu kisalu ki Yave ayi kunkuangidika. Mawu ma tusadisanga kubuela konzuka mu kiphevi ayi vantombuluanga thangu ayi mangolo. (1 Timoteo 4:15) Kibila mbi vantombuluanga kufiongunina makani mitu kadika thangu? Kibila mambu mambalukanga. Ayi mu kibila ki mambu mambaluka ḿba tuisinkuiza bue nunga ko kudukisa makani beni. Voti tuma dukisa mawu ayi vantombulu kubaka mankaka.
Thangu yifuana tulenda fiongunina makani mitu yidi, ava mvu wumona wu kisalu wutona. Mulenda tubila mawu mu mbuongimini yi dikanda ayi kutubila makani kadika mutu kankuiza dukisa ayi makani ma dikanda dioso.
Makani mbi widi matedi mambu manlanda ayi mbi wunkuiza vanga muingi kudukisa mawu?
Kutanga Kibibila kadika kilumbu, ndongukulu yi Kibibila yi ngie veka, kulandakananga zikhutukunu ayi kuvananga mimvutu.—w02 15/6 15 ¶14-15
Kuba kifuza mu kisalu ki kusamuna.—w23.05 27¶4-5
Kukuna zikhadulu zi Buklistu.—w22.04 23 ¶5-6
Makani mankaka: