Nlemvu wu Masumu ava Khudulu

Tulenda tambula nlemvu wu masumu mitu, mu nzila khudulu yi Yesu. (Efe. 1:7) Kibibila kintuba: “Nzambi kavangila mawu, muingi . . . kulemvukila masumu batu bavola mu thangu yikhulu.” Mawu mamonika, ava Yesu kufuila mu kibila kitu. (Loma 3:​25, nota.) Buidi Yave kalemvukila masumu ava khudulu ayi kutatamana kuba Nzambi yi busonga?

Yave wukanikisa ‘nkunu’ wala vukisa baboso badi kiminu mu nandi ayi mu zikhanu ziandi. Bo Yave kavana lukanu beni, buka ti khudulu yimana futu. (Ngene. 3:15; 22:18) Nzambi wuba lufiatu ti mu thangu yifuana, Muan’andi wumueka to wala vana luzingu luandi. (Ngala. 4:4; Ebe. 10:​7-10) Bo Yesu kaba va ntoto, nandi wuba nsua wu kulemvukila masumu ava khudulu yifutu. Nandi kavangila mawu, muingi kumonisa luvalu khudulu’andi yala tuadisa kuidi batu baba kiminu.—Matai 9:​2-6.