Sadila Buboti Kibibila

Tiagu wuba nlandikini Yesu, wufuanikisa Kibibila dedi lumuenu lu tusadisanga kumona kimutu kitu kikhati. (Tia. 1:​22-25) Buidi tulenda sadila buboti Kibibila dedi lumuenu?

Bika Kuvuvuka bo Wuntanga. Befu kuyitala mu lumuenu mu thinu, tulendi nunga ko kumona kiuma kintombulu kuludika. Bobuawu mvandi muingi tununga kubalula kimutu kitu ki khati, vantombulu kutanga diambu di Nzambi mu malembe ayi mu khambu vuvuka.

Tsikika thalu mu mambu wulenda ludika, kubika mu bankaka. Khumbu zinkaka bo tuntala mu lumuenu tulenda mona mvandi batu bankaka ayi kuluta tsikika thalu mu bawu. Bobuawu mvandi bo tuntanga Kibibila, tulenda luta tsikika thalu mu zinzimbala zi bankaka. Kuvanga mawu, kualasa tusadisa ko kubalula zikhadulu zitu zimbi.

Ba mayindu mafuana. Befu kutsikika beni thalu mu zinzimbala zitu, tulenda ba mu kiunda. Diawu bo tuntanga diambu di Nzambi tufueti ba mayindu mafuana ayi kuyitadila mu phila Yave ka tutadilanga.—Tia. 3:17.