Kubika Ntim’aku

Bo tunlonguka Kibibila, tuntombanga muingi diambu di Yave dinyikuna ntim’itu. Esala wuvana kifuani kimboti mu mambu amomo mu ‘kukubika ntim’andi muingi kufiongunina Nsiku wu Yave.’ (Esala 7:10) Buidi tulenda kubikila ntim’itu?

Sambila. Vanga nsambu ava wutona ndongukulu’aku. Dinda muingi Yave ka kusadisa kuvisa ayi kusadila mambu wunlonguka.—Minku. 119:​18, 34.

Wukikulula. Nzambi wusueka kiedika kuidi bo bamfiatilanga luzabu luawu. (Luk. 10:21) Bika kulonguka muingi kunyemisa luzabu luaku kuidi bankaka. Balula mayindu maku boti masi ko kithuadi na mayindu Nzambi.

Yuwanga minkunga mi Kintinu. Minkunga midi mangolo muingi kukubika ntim’itu. Kukuwa nkunga wu Kintinu ava kutona kulonguka, kulenda kusadisa kukubika ntim’aku.