Zabikisa Bankaka Mambu Wunlongukanga

Kuvanganga ndongukulu yi kibibila yi befu veka, kulenda tukindisa, vayi tulenda buela kindusu bo tunzabikisa bankaka mambu tunlongukanga mu kibibila. Zingana 11:25 yintuba: ‘Woso wunkindisa bankaka mvandi wela kindusu.’

Bo tunzabikisa bankaka mambu tunlongukanga, tunluta tebukanga moyo mambu beni ayi mvandi tumbuela visanga mawu buboti. Bo tunkindisa bankaka mu mambu tonlongukanga, tumbakanga mayangi.—Mav. 20:35.

Vanga mambu amama: Mu sabala yinkuiza tomba ziphila wulenda zabikisila mambu belonguka kuidi bankaka. Wulenda zabikisa mawu kuidi musi dikanda diaku, kuidi khomba mueka mu kimvuka, koleg’aku yi kisalu voti yi kikola, mutu wunkalanga yaku va nsengi voti mutu wundengana mu kisalu ki kusamuna. Sadila bikuma biaku veka ayi yoluka mu phila wunkolukilanga bo wunzabikisa mambu belonguka mu kibibila.

Bika kuzimbakana: Zabikisa bankaka mambu belonguka muingi kuba kindisa, bika ti muingi kukinyemisa.—1 Ko. 8:1.