• Kindisa Zikhomba zi Bakietu mu Kimvuka
    Kibanga ki Nsungi—2020 | Ngonda Yivua
    • Yesu widi wukala mu thangu kadi mu kulonga. Malata ayi Malia badi bakala va ndeku malu ma Yesu ayi ba kunkuwa. Ndandasani yi zifoto: 1. Nnuni ayi nkazi babe kuenda kuetala khomba yikietu weka kiboba widi mu kubela. Nnuni widi mu kukoluka na khomba beni ayi nkazi widi mu kulunda biuma babe sumba. 2. Nnuni ayi nkazi banlandakana mbuongimini yi dikanda yi khomba yimueka yinkietu na muan’andi. 3. Khomba wumueka widi mu kusadisa zikhomba ziwadi zi bakietu kuvingisa peneu yi dikalu.

      Dedi Yesu, tufueti monisa ti tumvuanga nkinza zikhomba zi bakietu (Tala matangu 6-9)e

      6. Dedi bummonisina Luka 10:38-42, buidi Yesu kasadisila Malia ayi Malata?

      6 Yesu wuba kikundi kimboti na zikhomba zi bakietu ayi waba viokisanga yawu thangu. Dedi, nandi wuba kikundi na Malia ayi khomb’andi Malata. (Tanga Luka 10:38-42.) Bawu babasa monanga ko phasi kuzabikisa Yesu mabanza mawu, kibila nandi wuba thubulu ayi mavanga mamboti. Dedi mu thangu bayamba Yesu ku nzo’awu, Malia wuyenda kue kala va ndeku malu ma Yesu muingi kukuwa mambu kaba tuba.c Vayi Malata, wudasuka bo Malia kamanga kunsadisa kukubika bidia. Ayi nandi kasa mona ko boma mu kuzabikisa mabanza mandi kuidi Yesu. Mu kilumbu beni, Yesu wulongisa Malia ayi Malata mambu mankinza. Nandi waba kuendanga ku batala khumbu ziwombo, muingi kumonisa ti waba ku bavuanga nkinza ayi waba vuanga nkinza khomb’awu Lazalu. (Yoane 12:1-3) Tuzabidi mawu kibila, bo Lazalu kabakana kubela, Malia ayi Malata bazaba ti balenda dinda lusalusu kuidi Yesu.—Yoane 11:3, 5.

  • Kindisa Zikhomba zi Bakietu mu Kimvuka
    Kibanga ki Nsungi—2020 | Ngonda Yivua

    • c Buku yimueka yintubila mambu matedi Kibibila yintuba: “Minlonguki baba kifu ki kukalanga va ndeku malu ma minlongisi miawu. Bawu baba vanganga mawu mu thangu baba kuba kubikanga muingi bawu mvawu baba minlongisi . . . Ayi bakietu basa ba ko nsua awowo. Buawu tulenda tubila ti mambu Malia kavanga mu kukala va ndeko malu ma Yesu, masa ba ko mafuana kuidi basi Yuda. Ayi boti kuidi dibakala di muisi Yuda kavangila mawu, khanu bantadila buka mutu wukhambu lukinzu.”