DILONGI 29
Kuidi Tunkuendanga bo Tufuidi?
Wumana fuilu mutu wunzolanga? Bo mawu mammonika tumbanga beni mu kiunda ayi thangu zinkaka tulenda kuyikuvusa: ‘Kuidi tunkuendanga bo tufuidi? Bukiedika ti tuidi kivuvu ti tuala bue mona batu bafua kubue zinga?’ Mu dilongi adidi ayi dinlanda tunkuiza mona mimvutu mi Kibibila minkuiza tubomba mu mambu amomo.
1. Kuidi tunkuendanga bo tufuidi?
Yesu wudedikisa lufua dedi tolo tungolo. Mutu widi mu kulala kazabanga ko mambu madi mu kuvioka va kibuangu kadi. Kibila mbi tulenda dedikisila lufua banga tolo? Mutu na kufua kamonanga ko ziphasi. Kheti wubika bakundi ayi basi dikanda, nandi kazabanga ko ti widi naveka kibila Kibibila kintuba: “Bafua basa zaba ko ni kiuma kimvela”.—Tanga Mpovi 9:5.
2. Ndandu mbi tumbakanga mu kuzaba kiedika kitedi bafua?
Bawombo bammonanga beni boma bu lufua—ayi bu batu bafua. Vayi befu tulenda baka mbombolo mu mambu Kibibila kintuba matedi bafua. Yesu wutuba: “Kiedika kiela kulukula.” (Yoane 8:32) Binganga biwombo banlonganga ti mutu na kufua muel’andi wuntatamananga kuzinga kuma kunkaka vayi masi ko mawu kibibila kinlonga. Diawu vasintombulu ko befu kubuongimina bafua voti kubanatanga mu minsambu.
Bawombo banyindulanga ti balenda koluka na basi dikanda diawu bafua. Vayi mawu masi ko makiedika, kibila ziphevi zimbi bawu bansuaminanga kumbusa batu bafua. Diawu kuzaba kiedika kitedi bafua, kituvukisanga mu mintambu mi ziphevi zimbi. Yave wu tulubulanga tubika yoluka na ziphevi zimbi kibila Nandi zebi ti kuvanga mawu kuala tutuadisa ziphasi.—Tanga Deutelonomi 18:10-12.
BUELA LONGUKA
Longuka mbi Kibibila kintuba matedi bafua ayi kindisa kiminu kiaku mu Nzambi yi luzolo wunkhambu tovulanga batu.
3. Longuka kiedika kitedi bafua
Mu nza yimvimba batu bawombo badi mayindu maviakana matedi kuidi tunkuendanga bo tufuidi. Vayi mawombo mu malongi beni masi ko makiedika.
Malongi mbi matedi bafua batu va nsengi’aku bankikininanga?
Muingi wuzaba mbi Kibibila kinlonga, Tala VIDEO.
Tanga Mpovi 3:20, bosi tubilanu biuvu binlanda:
Mu matangu tuma tanga, mbi bimmonikanga bo mutu kafuidi?
Bo mutu kafuidi, bukiedika ti muel’andi wuntatamananga kuzinga kuma kunkaka?
Kibibila kitu kamba matedi lufua lu Lazalu, wuba nkundi Yesu. Tanga Yoane 11:11-14, mona buidi Yesu kadedikisila lufua lu Lazalu. Bosi tubilanu biuvu binlanda:
Buidi Yesu kadedikisila lufua?
Mbi mawu ma tulonga matedi kuidi bafua bankuendanga?
Buidi wummuenanga mambu kibibila kintuba matedi bafua?
4. Tumbakanga ndandu mu kuzaba kiedika kitedi bafua
Kuzaba kiedika kitedi bafua ki tusadisanga tubika ba boma bu bafua. Tanga Mpovi 9:10, bosi tubilanu kiuvu kinlanda:
Bukiedika ti bafua balenda ku tuvanga bubi?
Befu kukikinina kiedika ki Kibibila, tuinsikuiza vunuka ko mu malongi banlonganga ti, tufueti vanga dioso diambu muingi kukuangidika bafua ayi kuba buongimina. Tanga Yesaya 8:19 ayi Nzaikusu 4:11, bosi tubilanu kiuvu kinlanda:
Buidi Yave kammuenanga bo batu bambuongimina bafua ayi bantombanga lusalusu luawu?
Kuzaba kiedika kitedi bafua, ku tukulanga mu bikhulu Yave kanlendanga
5. Kiedika kitedi bafua ki tuvananga mbombolo
Mu binganga bi luvunu banlonganga ti mutu na kufua nkuiza tovuka mu kibila ki mambu mambi kavanga ava kafua. Vayi tumbakanga beni mbombolo kuzaba ti mutu na kufua kasinkuiza tovuka ko—kheti wuvanga mambu mambi ava kafua. Tanga Loma 6:7, bosi tubilanu kiuvu kinlanda:
Kibibila kinlonga ti bo mutu kafuidi kheti waba vanganga mambu mambi, Nzambi wunlemvukilanga masumu voti mambi kavanga. Wummuenanga ti mutu na kufua wunkuiza tovuka mu kibila ki mambu mambi kavanga?
Bo tumbuela zaba matedi Yave, tunkuiza baka bivisa biwombo binkuiza tusadisa kumona ti nandi katovulanga ko bafua. Tanga Deutelonomi 32:4 ayi Yoane 4:8, bosi tubilanu biuvu binlanda:
Bukiedika kuandi ti Nzambi yi luzolo bantubila mu matangu amama, kalenda tovula batu bafua?
Ngie wumbakanga mbombolo mu kuzaba kiedika kitedi bafua? Sudikisa
BATU BANKAKA BANTUBANGA: “Yidi beni boma kuzaba mambu yala monikina bo yala fua.”
Matangu mbi ma Kibibila ngie wulenda sadila muingi kubomba bankaka?
MBI NGIE BELONGUKA
Lufua luidi tsukulu yi luzingu. Bafua batovukanga ko ayi balendi tovula ko batu bamonyo.
Vutukila Mambu Mamfunu
Kuidi tunkuendanga bo tufuidi?
Ndandu mbi tumbakanga mu kuzaba kiedika kitedi bafua?
Buidi kiedika kitedi bafua kitu bombilanga?
TALA MAMBU MANKAKA
Mbi kikuma “muela” kinsundula mu Kibibila.
Mona boti Nzambi wunsadilanga bulungi muingi kutovula bankua mambi.
Bukiedika ti befu tufueti mona boma bu bafua?
Espíritos dos Mortos—Ajudam? Ou Prejudicam? Existem Realmente? (brochura)
Tala buidi dibakala dimueka kabakila mbombolo bo kalonguka kiedika kitedi kuidi tunkuendanga bo tufuidi.
“Fiquei impressionado com as respostas da Bíblia” (A Sentinela, 1 de Feveriro de 2015)