• Mbi Binsundula Kuba Wuvasuka mu Mambu Moso ma Nza?
    Baka Mayangi ma Mvu ka Mvu!—Mu Kulonguka Kibibila
    • Dilongi 45. Khomba wu nkieto widi wutelama mu lukinzu mu thangu banyola nkunga wu kidimbu ki tsi vayi nandi kasi nyola ko.

      DILONGI 45

      Mbi Binsundula Kuba Wuvasuka mu Mambu Moso ma Nza?

      Yesu wulonga ti minlandikini miandi bafueti ba “bavasuka mu nza.” (Yoane 15:19) Mawu mansundula kumanga kukota mu mambu ma nza—dedi: mambu ma pulitika ayi mimvita. Bukiedika, thangu zinkaka dilenda ba diambu diphazi kutatamana kuba wuvasuka mu mambu ma nza, kibila balenda kutuvueza. Buidi tulenda tatiminina bavasuka mu mambu ma nza ayi kutatamana bakuikama kuidi Yave?

      1. Buidi baklisto bantadilanga luyalu lu batu?

      Baklisto bankinzikanga zimfumu zi luyalu. Befu tumvanganga momawu Yesu katuba “luvana bi Sezali kuidi Sezali”—diawu tuntumukinanga minsiku mi tsi, buka kufuta ziphaku. (Malako 12:17) Kibibila kintuba ti zimfumu zi luyalu badi mu kuyala kibila Yave wu bavana nsua wu kuyala. (Loma 13:1) Vayi befu tuzebi ti luyalu luawu luidi ndilu. Kibila tuidi mu kutemina Kintinu ki Nzambi kiala manisa mambu moso maphazi tumviokilanga.

      2. Buidi tulenda monisina ti tuidi bavasuka mu mambu ma nza?

      Dedi Yesu, tukotanga ko mu mambu ma pulitika. Mu thangu batu bamona mangitukulu Yesu kavanga bo kaba va ntoto, bawu baba tomba kumbieka ntinu wu nza vayi nandi kasa vitika ko. (Yoane 6:15) Kibila mbi kamangina? Kibila nandi wutuba: “Kintinu kiama kisi ko ki nza ayiyi.” (Yoane 18:36) Dedi minlandikini mi Yesu, befu mvitu tuidi bavasuka mu mambu ma nza mu ziphila zioso. Dedi, tunuananga ko mimvita. (Tanga Mika 4:3.) Tunkinzikanga bidimbu bi tsi vayi tubibuongimina ko. (1 Yoane 5:21) Ayi tusolanga ko voti tulendanga ko batu badi mu mangumba ma pulitika bantomba luyalu. Mu ziphila aziozio ayi zinkaka befu tummonisanga ti tuidi bakuikama mu Kintinu ki Nzambi.

      BUELA LONGUKA

      Fiongunina mambu mbi malenda kutula nkaku kutatamana kuba wuvasuka ayi mona buidi wulenda bakila makani mankuiza yangidika Yave.

      Dibakala dimueka widi wuvasuka mu mambu ma pulitika ayi kasinsola ko ni khonzo mu thangu zimfumu zi mangumba bankoluka na batu.

      3. Baklisto bakiedika badi bavasuka mu mambu ma nza

      Yesu ayi minlandikini miandi ba tubikila kifuani kimboti. Tanga Loma 13:1, 5-7 ayi 1 Petelo 2:13, 14. Bosi, tala VIDEO ayi tubilanu biuvu binlanda.

      VIDEO: Mbi Binsundula Baklisto Kukhambu Kota mu Mambu ma Nza—kitini 1 (4:28)

      • Kibila mbi tuntumukinanga zimfumu zi luyalu?

      • Mu ziphila mbi tummonisinanga ti tubatumukinanga?

      Mu thangu yi mimvita, mimvila minkaka balenda tuba ti badi bavasuka vayi bawu bambuelanga mioko mangumba madi mu mimvita. Mbi binsundula kuba wuvasuka? Tanga Yoane 17:16. Bosi, tala VIDEO ayi tubilanu kiuvu kinlanda.

      VIDEO: Mbi Binsundula Baklisto Kukhambu Kota mu Mambu ma Nza—kitini 2 (3:11)

      • Mbi binsundula kuba wuvasuka mu mambu moso ma nza?

      Mbi tulenda vanga boti zimfumu zi luyalu bantomba tuvanga mambu makhambulu kithuadi na minsua mi Nzambi? Tanga Mavanga 5:28, 29. Bosi, tala VIDEO ayi tubilanu biuvu binlanda.

      VIDEO: Mbi Binsundula Baklisto Kukhambu Kota mu Mambu ma Nza—kitini 3 (1:18)

      • Boti zimfumu zi luyalu ba tuvana nsiku wukhambulu kithuadi na minsua mi Nzambi, buna nani tufueti tumukina?

      • Mu mbuenu’aku, nsiku mbi wu mintinu mi luyalu wo baklisto balendi tumukina ko?

      4. Ba wuvasuka mu mayindu ayi mu mavanga

      Tanga 1 Yoane 5:21. Bosi, tala VIDEO ayi tubilanu biuvu binlanda.

      VIDEO: Kibila Mbi Baklisto Bakiedika Bafueti Bela Kibakala Muingi—Babika Kukota mu Mambu ma Nza? (2:49)

      • Mu video tube mona, kibila mbi yaya Ayenge, kabakila makani ma kubika kukota mu mambu ma pulitika voti kubuongimina kidimbu ki tsi?

      • Mu mbuenu’aku makani mamboti kabaka?

      Mambu mbi mankaka malenda thota lukuikumunu luitu? Tala VIDEO, bosi tubilanu biuvu binlanda.

      VIDEO: Malongi Babongulu mu Kibanga ki Nsungi—Tatamana Kuba Wuvasuka mu Mambu ma Nza (5:16)

      • Buidi tulenda tatiminina kuba bavasuka mu mambu ma nza, boti tuntala batu badi mimvila miviakana banta bola?

      • Buidi tulenda tatiminina bavasuka mu mambu ma nza, boti zimfumu zi luyalu bambaka makani malenda tutuadisa ziphasi?

      • Buidi zitsangu tunkuwa mu radio, mu televisão voti mo batu bantuba, malenda ku tutudila nkaku kuba bavasuka mu mambu ma nza?

      Ndandasani yi zifikula: 1. Dingumba di batu badi mu kubalukila zimfumu zi luyalu. 2. Dibakala dimueka widi wuvuata bikhutu bi batu bantanga bola, benanguna nledi wu kidimbu ki tsi. 3. Muana wumueka widi mu kuyola nkunga wu kidimbu ki tsi. 4. Disodi dimueka besimba buta. 5. Zimfumu wadi zi mangumba ma pulitika badi mu kuzabikisa mayindu mawu. 6. Mutu wumueka wunsola dingumba difueti yala.

      Mu mambu mbi baklisto bafueti tatiminina kuba bavasuka mu mambu ma nza, mu mayindu ayi mu mavanga?

      ABU MUTU NA KUKUVULA: “Kibila mbi lunkhambu yodilanga nkunga wu kidimbu ki tsi?”

      • Mvutu mbi wunkuiza mvana?

      MBI NGIE BELONGUKA

      Baklisto bakiedika bamvanganga mangolo muingi baba bavasuka mu mambu ma nza mu mayindu, mu mavanga ayi mu mambu bantuba.

      Vutukila Mambu Mamfunu

      • Mbi mintinu mi luyalu badi nsua wu kutambula kuidi befu?

      • Kibila mbi tuididi bavasuka mu mambu ma nza?

      • Mambu mbi malenda kutula nkaku muingi wutatamana wuvasuka mu mambu ma nza?

      Makani Mami

      TALA MAMBU MANKAKA

      Mangolo mbi tufueti vanga muingi tutatamana bavasuka mu mambu ma nza?

      Yave Kasa Tukuekula ko (3:14)

      Mbi makanda bafueti vanga ava baviokila mu zithotolo zitedi kuba bavasuka mu mambu ma nza?

      Tatamana Kuba Wuvasuka mu Mambu Moso (4:25)

      Kibila mbi kuzitisa tsi yisi ko yawu phila yifuana tufueti vanina nzitusu kuidi bankaka?

      “Nzambi Kalenda Vanga Mambu Moso” (5:19)

      Fiongunina buidi tulenda tatiminina kuba bavasuka mu mambu ma nza, bo tumbaka makani matedi kisalu.

      “Cada um levará sua própria carga” (A Sentinela, 15 de Março de 2006)

  • Ngie Wulenda Nunga Zithotolo
    Baka Mayangi ma Mvu ka Mvu!—Mu Kulonguka Kibibila

    • Baklisto bakiedika, bamviokilanga voti bala viokila mu zithotolo. Ayi mintinu mi luyalu bala kutukuika tubika sadila Yave voti kututula mu buloko.

      1. Mu mambu mbi baklisto boso bakiedila bala viokila?

      Kibibila ki tukamba: “Baboso batidi kunata luzingu lukuikama mu Nzambi, mu kithuadi na Yesu Klisto, mvawu bela thoto.” (2 Timoteo 3:12) Yesu wuviokila mu zithotolo, kibila nandi kasa kota ko mu mambu ma nza yi Satana. Befu mvitu tukotanga ko mu mambu ma nza ayiyi, diawu tuyitukanga ko boti mintinu mi luyalu voti basi binganga bi luvunu ba tuvanga kuviokila mu mambu maphasi.—Yoane 15:18, 19.

      2. Buidi tulenda kubimina ava kuviokila mu zithotolo?

      Befu tufueti kindisa lufiatu luitu mu Yave bubu. Botulanga thangu kadika kilumbu muingi kutanga Kibibila, kusambila ayi kulandakananga zikhutukunu kadika sabala. Kuvanga mambu amomo, kuala tusadisa kukindama bo tumviokila mu zithotolo, kheti zio zinkuizila kuidi basi dikanda. Mvuala Polo mvandi wuviokila mu zithotolo, wusonika: “Yave widi nsadisi’ama yilendi mona ko boma.”—Ebeleo 13:6

      Tulenda kindisa kibakala kitu mu kisalu ki kusamuna. Kusamuna kunkindisanga lufiatu luitu mu Yave ayi ku tusadisanga tubika ba boma bu batu. (Zingana 29:25) Befu kuba kibakala muingi kusamuna bubu, tuala ba mvandi kibakala muingi kusamuna kheti bo mintinu mi luyalu bala kandimina kisalu kitu ki kusamuna.—1 Tesalonika 2:2.

      3. Ndandu mbi tuala baka befu kukindama mu zithotolo?

      Bukiedika, vasi ko mutu wunzolanga kuviokila mu zithotolo. Vayi bo tumviokila mu zithotolo buawu kiminu kitu kinluta kindilanga ayi tunluta fikamanga Yave. Kibila tummonanga bivisa ti nandi wu tusadisanga kununga zithotolo. (Tanga Yakobi 1:2-4.) Yave wunyonganga beni bo kammona bisadi biandi bamviokila mu zithotolo. Vayi nandi wumbanga mu mayangi bo kammona ti tuidi mu kununga zithotolo beni. Kibibila kintuba: “Kukindama mu ziphasi mu kibila ki kuvanga mambu masonga, mawu mankuangidikanga Nzambi.” (1 Petelo 2:20) Lusakumunu Yave kala vana kuidi baboso bammonisanga lukuikumunu luidi: kuzingila ku paladizu va ntoto ko kualasa bue ba ko batu ba tutula nkaku wu kubuongimina Yave.—Matai 24:13.

      BUELA LONGUKA

      Mona kibila mbi didi diambu dinkinza kutatamana wukuikama mu Yave kheti bo wumviokila mu zithotolo.

      Khomba mueka wunkieto widi mu kukuenda mu kisalu ki kusamuna kheti bo matata mandi ba kunthota.

      4. Ngie wulenda nunga bo bakundi ayi basi dikanda ba kuthota

      Bo kaba va ntoto, Yesu wuzaba ti basi dikanda balenda tutula nkaku muingi tu buongimina Yave. Tanga Matai 10:34-36, bosi tubilanu kiuvu kinlanda:

      • Mbi bilenda monika bo wumueka va dikanda kambaka makani ma kubuongimina Yave?

      Muingi wutala kifuani kimueka, tala VIDEO, bosi tubilanu kiuvu kinlanda.

      VIDEO: Yave Wututela (5:13)

      • Mbi wunkuiza vanga boti basi dikanda voti bakundi ba kutula nkaku muingi wusadila Yave?

      Tanga Minkunga 27:10 ayi Malako 10:29, 30. Bo lummana kutanga kadika lutangu, tubilanu kiuvu kinlanda:

      • Buidi lukanu alolo lulenda kusadisila boti basi dikanda voti bakundi ba kutula nkaku muingi wusadila Yave?

      5. Tatamana kusadila Yave kheti mu zithotolo

      Vantombuluanga kibakala muingi kubuongimina Yave bo bankaka ba tutula nkaku. Tala VIDEO, bosi tubilanu kiuvu kinlanda.

      VIDEO: Ba Kibakala Kheti mu Zithotolo (6:27)

      • Buidi mambu tube mona mu video ma kukindisila?

      Tanga Mavanga 5:27-29 ayi Ebeleo 10:24, 25. Bo lummana kutanga kadika lutangu, tubilanu kiuvu kinlanda:

      • Kibila mbi didi diambu dinkinza kutatamana kubuongimina Yave kheti bankandimina kisalu ki kusamuna voti zikhutukunu zitu?

      6. Yave wala kusadisa kununga zithotolo

      Mu nza yimvimba, Zimbangi zi Yave badi ziphunga ziviakana, bantatamananga kusadila Yave mu lukuikumunu, kheti bo bamviokila mu zithotolo. Muingi wuzaba mbi bi kubasadisanga, tala VIDEO. Bosi tubilanu kiuvu kinlanda.

      VIDEO: Yave Wala Kuphana Mangolo (3:40)

      • Mu video tube mona mbi bisadisa zikhomba kununga zithotolo?

      Tanga Loma 8:35, 37-39 ayi Filipi 4:13. Bo lummana kutanga kadika lutangu, tubilanu kiuvu kinlanda:

      • Buidi matangu amama mammonisina ti tulenda nunga zithotolo?

      Tanga Matai 5:10-12, bosi tubilanu kiuvu kinlanda:

      • Kibila mbi tufueti bela mu mayangi kheti bo tumviokila mu zithotolo?

      Mu bilumbu bitu, zikhomba ziwombo badi mu kuviokila mu zithotolo ayi mintinu mi luyalu badi mu kuba tula mu buloko mu kibila ki kiminu kiawu.

      Bivevi na bivevi bi Zimbangi zi Yave bannunganga kusadila Yave kheti mu zithotolo. Ngie mvaku wulenda nunga.

      BATU BANKAKA BANTUBANGA: “Yilendi nunga ko zithotolo.”

      • Matangu mbi ma kibibila ngie wulenda sadila muingi kunkindisa?

      MBI NGIE BELONGUKA

      Yave wumvuanga nkinza mangolo moso tumvanganga muingi kunsadila. Ayi mu lusalusu luandi, befu tulenda nunga zithotolo.

      Vutukila Mambu Mamfunu

      • Kibila mbi Baklisto bakiedika bafueti vingila kuviokila mu zithotolo?

      • Mbi wulenda vanga bubu muingi kukubama ava kumonikina zithotolo?

      • Mbi bilenda kusadisa kuba lufiatu ti wulenda sadila Yave kheti mu zithotolo?

      Makani Mami

      TALA MAMBU MANKAKA

      Mona buidi Yave kasadisila khomba wumueka wu ditoko kununga zithotolo bo kaba mu buloko mu kibila ki kumanga kukota mu mambu ma nza.

      Bika Kuvonga Kheti mu Zithotolo (2:34)

      Mona mbi bisadisa dikanda dimueka kusadila Yave mu lukuikumunu ayi mu mimvu miwombo kheti mu zithotolo.

      Tusadila Yave Kheti mu Thangu yi Ziphasi (7:11)

      Mona buidi bu kunungina zithotolo mu kibakala.

      “Kubama Bubu mu Zithotolo Zinkuiza” (Kibanga ki Nsungi, Ngonda Yisambuadi 2019)

      Buidi tufueti tadila zithotolo zinkuizilanga va dikanda ayi buidi tulenda nungina ziawu?

      “A verdade traz ‘não a paz, mas a espada’” (A Sentinela, de Outubro 2017)