Kibila Mbi Tuntovukilanga?

Mu thangu tumviokila mu ziphasi, disi ko disumu kuyikuvusa: “Kibila mbi yidi mu kutovukila?” Wunkuiza yangalala kuzaba mvutu Kibibila kimvana matedi kiuvu akiokio.

1. Buidi ziphasi zitonina va ntoto?

Satana nkadi’ampemba wubalukila Yave. Nandi wabe tomba kuvinginina Yave va luyalu, diawu kavukumunina Adami ayi Eva muingi baba ku khonzu’andi. Buidi Satana kavangila mawu? Mu kuvuna Eva. (Ngenesi 3:1-5) Nandi wuvanga Eva kuyindula ti Yave waba kuba sueka mambu mamboti. Ayi wunkamba ti, nandi kasinkuiza fua ko na kulevula nsiku wu Nzambi. Mu phila ayoyo, Satana wuvanga batu kukikinina ti bankuiza baka mayangi ba kukhambu tumukina Nzambi. Diawu Kibibila kintedila Satana “nkua luvunu ayi tata yi luvunu.”—Yoane 8:44.

2. Makani mbi Adami ayi Eva babaka?

Yave wumonisa kuidi Adami ayi Eva ti nandi widi nkua kukaba. Nandi wutuba ti balenda dia kuawu makundi moso maba ku lumbu lu Edeni vayi kubotula to ma nti wumueka. (Ngenesi 2:15-17) Vayi bawu babaka makani ma kudia dikundi dio Nzambi kaba kandimina. Eva “wubonga dikundi ayi wutona kudia. Bosi Adami wudia.” (Ngenesi 3:6) Disa ba ko diambu diphasi kutumukina Yave kibila baba bavedila ayi vaba makundi mankaka ku lumbu lu Edeni. Vayi mu lutia luawu bawu babayisa Nzambi, basumuka ayi babalukila luyalu luandi. Makani babaka ma batuadisa beni ziphasi.—Ngenesi 3:16-19.

3. Mbi makani ma Adami ayi Eva matuadisa?

Bo Adami ayi Eva badia dikundi, bawu basumuka. Mu kibila akiokio, bawu batambikisa disumu kuidi nkunu’awu woso. Kibibila kintuba matedi Adami: “Mu kibila ki mutu wumueka to disumu dikota mu nza ayi lufua luyizila mu nzila yi disumu, diawu lufua lukotila mu batu boso.”—Loma 5:12.

Disumu di tuvanganga kutovuka mu ziphila ziwombo, dedi: tuntovukilanga mu kibila ki makani tumbakanga, mu kibila ki makani ma batu bankaka ayi khumbu zinkaka tuntovukilanga kibila tuidi vama ayi kilokolo kikhambu fuana.—Tanga Mpovi 9:11.

BUELA LONGUKA

4. Mutu widi fotu mu ziphasi zitu

Batu bawombo bankikininanga ti Nzambi nandi widi fotu mu ziphasi zitu. Mawu madi makiedika? Tala VIDEO.

VIDEO: Nani Wunkengidilanga Nza? (1:24)

Tanga Yakobi 1:13 ayi 1 Yoane 5:19, bosi tubilanu kiuvu kinlanda:

• Bukiedika ti Nzambi nandi widi fotu mu ziphasi tumviokilanga?

5. Tala mambu luyalu lu Satana luntuadisanga

VIDEO: Kibila Mbi Nza Yiwedidi Ziphasi?—Kitini (3:07)

Tanga Ngenesi 3:1-6, bosi tubilanu biuvu binlanda:

• Luvunu mbi Satana katuba?—Tala lutangu 4 ayi 5.

• Mambu mbi Satana katuba muingi kuvanga batu kuyindula ti Yave wu tusuekanga mambu mamboti?

• Dedi bo Satana katubila, bukiedika ti tulenda baka mayangi mu luzingu befu kukhambu tumukina minsiku mi Yave?

Tanga Mpovi 8:9, bosi tubilanu kiuvu kinlanda:

• Buidi tuzabidi ti kasi ko Yave wunkengidila Nza?

1. Adami ayi Eva baba bavedila ayi baba zingilanga ku lumbu lu Edeni. Vayi bawu babaka makani ma kukuwa Satana ayi babalukila luyalu lu Yave

2. Bo babalukila Yave, disumu, ziphasi ayi lufua bikota mu nza

3. Yave wala manisa ziphasi, disumu ayi lufua. Batu boso bala ba bavedila ayi bala vutuka kuzingila ku paladizu

6. Buidi Yave kambelanga bo tumviokila mu ziphasi

Bukiedika ti Nzambi kavuanga ko nkinza ziphasi tuidi mu kuviokila? Mona mbi ntinu Davidi ayi mvuala Petelo basonika. Tanga Minkunga 31:7 ayi 1 Petelo 5:7, bosi tubilanu kiuvu kinlanda:

• Buidi wummuena mu kuzaba ti Yave wumvuanga nkinza mambu tumviokilanga ayi tidi ku tusadisa?

MBI NGIE BELONGUKA

Satana, Adami ayi Eva, bawu badi fotu mu ziphasi zioso tumviokilanga. Yave wutu vuanga beni nkinza, diawu nkadu to wunkambu nandi wala manisa ziphasi zioso tumviokilanga.

Vutukila Mambu Mamfunu

• Luvunu mbi Satana kakamba Eva?

• Buidi makani Adami ayi Eva babaka ma tutuadisilanga ziphasi?

• Buidi tuzabidi ti Nzambi wumbanga mu kiunda bo tuntovuka?

TALA MAMBU MANKAKA

Longuka mbi Kibibila kintuba matedi disumu.

“Disumu Buna Mbi?” (Dilongi didi mu jw.org)

Buela longuka matedi tsundu yi mambu Satana katuba ku lumbu lu Edeni.

“Por que Deus permite o sofrimento?” (A Sentinela, 1.º de Janeiro de 2014)

Tala mimvutu minkinza Kibibila kimvana milenda kutuvana mbombolo.

“Kibila Mbi Nzambi Kakhidi Bikilanga Batu Bakivondasana?” (Dilongi didi mu jw.org)

Mona mbi dibakala dimueka kalonguka matedi ziphasi tumviokilanga.

Yisiala Bue Yindula ko ti Yidi Minu Veka (5:09)

Befu tunsumukinanga, tuntovukilanga ayi tumfuilanga, kibila Adami ayi Eva basa tumukina ko Nzambi.a Vayi Yave wu tumona kiadi, diawu kafidila Muan’andi Yesu Klisto muingi kutu kula mu masumu ayi lufua. Khudulu widi nkhayilu bamfutanga muingi kukula mutu. Ayi Kibibila kimmonisa ti mu kuvana luzingu luandi luvedila, Yesu wufuta thalu muingi ku tukula. (Tanga Matai 20:28.) Mu phila yoyo, Yesu wuzibula nzila ayi wutuvana luaku lu kuzinga mvu ka mvu. Lufua lu Yesu, lummonisa luzolo Yave ayi Yesu badi mu befu. Dilongi adidi, dinkuiza kusadisa kubuela phuila yi kuvutulanga matondo mu khudulu yi Yesu.

1. Buidi lufua lu Yesu lulenda ku tusadisila bubu?

Bo tuidi batu ba masumu, diawu tumvangilanga mambu mawombo manyongisanga ntima wu Yave. Vayi mu kibila ki khudulu yi Yesu, befu tulenda tambula nlemvu wu masumu mitu. Muingi tutambula nlemvu beni, tufueti kunyongina mu bukiedika masumu mitu, kudinda lemvu kuidi Yave ayi kuvanga mangolo muingi tubika kubue vutukila zinzimbala beni. Befu kuvanga mawu, tunkuiza ba kikundi kingolo na Yave. (1 Yoane 2:1) Kibibila kintuba: ‘Klisto wufua mu kibila ki masumu mitu, nandi mutu wusonga wufua mu kibila ki batu bakhambulu basonga, muingi ka tunata kuidi Nzambi.’—1 Petelo 3:18.

2. Buidi lufua lu Yesu luala tusadisila?

Yave wufila Yesu muingi kavana luzingu luandi luvedila. Diawu Kibibila kintubila: ‘woso mutu wu kunlekila kiminu kabika lalakana, vayi kabaka luzingu lu mvu ka mvu.’ (Yoane 3:16) Mu kibila akiokio, Yave mu nzila khudulu yi Yesu wala manisa ziphasi zioso Adami ayi Eva ba tutuadisila. Mawu mansundula ti, befu kuba kiminu mu khudulu yi Yesu tuala baka luaku lu kuzinga mvu ka mvu ku paladizu va ntoto.—Yesaya 65:21-23..

BUELA LONGUKA

3. Khudulu yi Yesu yi tukula mu kivika ki masumu ayi lufua

VIDEO: Kibila Mbi Yesu Kafuila?—Kitini 1 (2:01)

• Luaku mbi Adami kazimbisa bo kamanga kutumukina Nzambi?

Tanga Loma 5:12, bosi tubilanu kiuvu kinlanda:

• Mambu mbi mammonikanga mu kibila ki disumu di Adami?

Tanga Yoane 3:16, bosi tubilanu kiuvu kinlanda:

• Kibila mbi Yave kafidila Muan’andi Yesu va ntoto?

1. Adami wuba mutu wuvedila, vayi bo kamanga kutumukina Yave batu boso bansumukanga ayi bamfuanga

2. Yesu wuba mutu wuvedila ayi mu kutumukina Nzambi batu boso balenda zinga mvu ka mvu

4. Lufua lu Yesu lulenda tuadisa ndandu kuidi batu boso

VIDEO: Kibila Mbi Yesu Kafuila?—Kitini 2 (2:00)

• Buidi lufua lu mutu mueka to lulenda kudila batu boso?

Tanga 1 Timoteo 2:5, 6, bosi tubilanu kiuvu kinlanda:

• Adami wuba mutu wuvedila vayi mu kibila ki disumu diandi, diawu batu boso bansumukinanga ayi bamfuilanga. Yesu mvandi, wuba mutu wuvedila. Diawu kibila mbi khudulu’andi yibela yifuana muingi kukula batu boso?

5. Khudulu widi nkhayilu wu Yave Kuidi ngiewu

Kuidi bakundi ba Yave, khudulu wawu nkhayilu wulutidi luvalu mu bawu. Tanga Ngalatia 2:20, bosi tubilanu kiuvu kinlanda:

• Buidi mvuala Polo kamonisina ti waba monanga khudulu yi Yesu banga nkhayilu wulutidi luvalu?

Bo Adami kasumuka, nandi wusumbisa nkunu’andi woso mu buvika bu disumu. Vayi Yave wuvana luzingu lu Muan’andi muingi ngie wubaka luaku lu kuzinga mvu ka mvu.

Yindul’abu buidi Yave kabela mu kumona Muan’andi kanzolanga kutovuka. Tanga Yoane 19:1-7, 16-18, bosi tubilanu kiuvu kinlanda:

• Buidi ngie wumbelanga bo wuyindula mambu Yave ayi Yesu ba kuvangila?

MBI NGIE BELONGUKA

Mu kibila ki lufua lu Yesu, Yave wunlemvukilanga masumu mitu. Mvandi, lufua lu Yesu lutuvana luaku lu kuzinga mvu ka mvu.

Vutukila Mambu Mamfunu

• Kibila mbi Yesu kafuila?

• Kibila mbi khudulu yi Yesu yibela yifuana muingi ku tukula va kivika ki disumu?

• Buidi lufua lu Yesu lu tutuadisila ndandu?

TALA MAMBU MANKAKA

Longuka kibila mbi bantedilanga luzingu luvedila lu Yesu khudulu.

“Buidi Khudulu yi Yesu Yilenda Vukisila Batu Boso?” (Dilongi didi mu jw.org)

Bakula mbi tufueti vanga muingi tuvuka.

“Mbi Binsundula Kikuma ‘Yesu Mvulusi’?” (Dilongi didi mu jw.org)

Bukiedika kuandi ti Yave wunlemvukilanga masumu mangolo?

“Perguntas Bíblicas Respondidas” (A Sentinela, 1.º de Maio de 2013)

Mona buidi kulonguka matedi khudulu yi Yesu yisadisila dibakala dimueka kubalula nzingulu’andi.

‘Yisiedi ko Mvika wu Buphunya’ (Dilongi mu Site)