• Mbi Binkuiza Kusadisa Kubaka Makani Mamboti?
    Baka Mayangi ma Mvu ka Mvu!—Mu Kulonguka Kibibila

    • 5. Kinzika kilunzi ki bankaka

      Batu badi disuasana, diawu mvandi bambakilanga makani maviakana. Buidi tulenda monisina lukinzu mu kilunzi ki bankaka? Mona bifuani biodi:

      Kifuani 1: Khomba mueka wunzolanga kuvanga maquiagem wubaluka mu kimvuka kio zikhomba bakhambu zolanga kumona mutu wumvanga maquiagem.

      Tanga Loma 15:1 ayi 1 Kolinto 10:23, 24, bosi tubilanu biuvu binlanda:

      • Dedi bummonisina matangu amama mbi khomba awowo wu nkieto kafueti vanga? Mbi wunkuiza vanga boti mambu widi nsua wu kuvanga mantatisa kilunzi ki bankaka?

      Kifuani 2: Khomba mueka zebi ti Kibibila kisinkandimina ko kunua malavu, vayi naveka wubaka makani ma kubika nua malavu. Khomba beni bantumisa mu mua nkungi ayi wummona zikhomba zinkaka kunua malavu.

      Tanga Mpovi 7:16 ayi Loma 14:1, 10, bosi tubilanu biuvu binlanda:

      • Dedi bummonisina matangu amama mbi khomba awowo wu dibakala kafueti vanga? Mbi wunkuiza vanga boti mutu wunkaka wumvanga mambu mantatisa kilunzi kiaku?

      Mambu mbi tufueti vanga muingi tubaka makani mamboti?

      Nkieto mueka widi mu kuvanga nsambu.

      1. Dinda lusalusu lu Yave muingi wuzaba ma kuvanga.—Yakobi 1:5.

      Nkieto mueka widi mu kusadila computador muingi kufiongunina bilongulu bibongulu mu Kibibila.

      2. Fiongunina bilongulu bibongulu mu Kibibila muingi wuzaba nsiku wudedakana na mambu wumviokila. Mvandi wulenda koluka na khomba wuyonzuka mu kiphevi.

      v

      3. Fiongunina boti makani wunkuiza baka mankuiza tatisa kilunzi ki bankaka voti ndamba.