Boti Mwana Kilezi be Zibula Mwelo Wu nzo

Boti mwana kilezi be zibula mwelo wu nzo, muna tufweti kundinda katela matata mandi. Kuvanga mawu, mbonosono yi lukinzu kwidi matata mandi. (Zingana 6:20) Boti matata mandi basiko ku nzo, muna tulendi vitika ko kukota kheti mwana beni wutukembi tukota. Angi tufweti vutuka mu thangu voti mu kilokulu kinkaka.

Boti mutu be zibula mwelo mwana ditoko wunkhidi mu minswa mi matata mandi vayi widi mayindu ma bukhulutu? Bobuawu tufweti dinda nswa kwidi matata mandi. Vayi boti basi ko ku nzo, muna tufweti kunkuvula ti matata mandi bawu ba kunsodilanga zibuku kantanganga. Na kutuba ti ndamba, buna tulenda kumbikila bilongulu voti nzil’itu yi khondi mayo jw.org.

Ngye kukanikisa mwana ditoko kuvutuka ku nzo’andi, muna nkamba kazabikisa matata mandi. Kuvanga mawu, malenda vana lwaku matata mandi kulonguka zikhanu zi Nzambi mu matedi dikanda. (Minkunga 119:86, 138) Lukinzu lwitu kwidi matata mandi, lulenda ba kimbangi kinneni va meso mawu ayi kilenda kutuvana lwaku lu kusamuna tsangu zimboti kwidi dikanda dyoso.—1 Petelo 2:12.