Tuphisuka mu Kisalu ki Kusamuna Sadila —Buku ‘Amor de Deus’ Mwingi Kukotisa Mambu ma Nzambi mu Ntima wu Nlonguki

KIBILA MBI DIDI NKINZA: Batu bafweti longuka zithumu zi Yave mwingi babaka bu kumbwongimina mu phila yifweni. (Yesaya 2:3, 4) “Amor de Deus,” yidi buku yimmwadi bakubika mwingi nlonguki wu Kibibila kaba mayindu ma Nzambi bo kansadila minswa mi Kibibila lumbu ka lumbu. (Ebeleo 5:14) Mu thangu tunlonga batu, Tufweti vanga mangolo mwingi kukotisa mambu ma Nzambi mu mintima miawu, mu dyambu kuba sadisa kubalula nzingulu.—Loma 6:17.

BWIDI TULENDA VANGILA MAWU:

• Kubama buboti ayi tomba kuzaba zitsatu zi nlonguki. Vana mvandi byuvu bilenda nyikuna mabanza mandi ma tsi ntima mu matedi dilongi kanlonguka.—Zingana 20:5; be 259

• Sadila mvandi zi quadro zidi mu buku, mwingi wusadisa nlonguki kasadila minswa mi Kibibila mu luzingu lwandi

• Sadisa nlonguki kasadila mayindu mandi, ayi bika kumbakila makani.—Ngalatia 6:5

• Tomba kuzaba mu dyela, ti nandi lusalusu kantomba mu matedi kuzingila mu mambu kanlongukanga voti ndamba. Boti buawu, muna mu dyela, mvana mangolo mwingi ka monisa luzolo lwandi kwidi Yave bo kambalula zikhadulu zyandi.—Zingana 27:11; Yoane 14:31