MALONGI 8

Kibila mbi Tuḿvwatilanga Mboti bo Tuǹkwendanga mu Zikhutukunu?

A father and son dressing for a congregation meeting — Tsi yi Islândia

A mother and daughter getting ready for a meeting — Tsi yi México

Well-dressed Jehovah’s Witnesses in Guinea-Bissau — Tsi yi Guine-Bissau

Dikanda ku tsi yi Filipina diǹkwenda mu lukutukunu — Tsi yi Filipinas

Ma mona zi foto zidi mu mwa buku ayiyi phila Zimbangi zi Yave baḿvwatilanga bo baǹkwendanga mu zikhutukunu? Kibila mbi tuḿvwatilanga bu fweni?

Mwingi kumonisa Nzamb’itu lukinzu. Bu kyedika, Nzambi ka talanga phwatulu ko. (1 Samueli 16:7) Angi bo tuǹkutakananga mu kuḿbwongimina, mayindu mitu ma kumonisa lukinzu mu nandi ayi zikhomba zitu. Boti kunzo lufundusu ba tutumisini, tuǹtombanga vwata mboti mu dyambu kinzika ḿfundusi. Diawu, tuḿvwatilanga buboti bo tuǹkwendanga mu zikhutukunu mu dyambu kukinzika ‘Ḿfundusi wu ǹtoto wumvimba’ Yave Nzambi, ayi bwangu tu kuḿbwongiminanga.—Ngenesi 18:25.

TMwingi kuyindula miǹswa miǹnatisa luzingu lwitu. Kibibila kiǹtuba ti baklisto ba fweti vwata mboti ayi mu lukinzu. (1 Timoteo 2:9, 10) Kuvwata mboti kuǹsundula kumanga phwatulu yi khambu fwana, yiḿmonisanga nyitu ayi miḿvwatu mi khufi. Angi, kuba kikansansa ki mboti ki tusadisa mu sola miḿvwatu mi mboti mi manga luta mu nyitu ayi miǹtula divunza mu nyitu. Miǹswa beni milenda bikila mutu ka mutu kasola bo katidi vwatila. Kheti mu zikhadulu zitu zimboti, tulenda zitisa Nzambi. (Tito 2:10; 1 Petelo 2:12) Phwatulu’itu yimboti bo tuǹkwendanga mu zikhutukunu, yilenda sadisa bantu ba kinzika mbwongiminu’itu kwidi Yave.

Nketi wisiko mimwatu dedi midi mu zifoto azizi, bika kutina kwenda mu zikhutukunu. Mimvwatu mitu misi ǹtombila ko mi ba mithalu, vayi mi fweti ba misukulu ayi miḿmonikina mboti.

Kibila mbi phwatulu’itu yididi ḿfunu bo tuḿbwongimina Nzambi?
Miǹswa mbi miǹtwadisanga phwatulu’itu?