Kibila Mbi Ngyewu Wummonisinanga Luvalu mu Mbwongimini yi Kyedika?

Basi Yuda baba va kivika babaka khindusulu mu kimona meso ki Yehezekeli kitedi tempelo, bila kiawu kiba vana kivuvu kiphutukulu yi mbwongimini yi kyedika. Mu bilumbu abibi bitsuka, mbwongimini yi kyedika ‘yidi mu ku vitila ti va mbata myongo,’ ayi befu twidi batu ba mimvila miwombo tummaka muawu. (Yesaya 2:2) Ngye wumbotulanga thangu mwingi wuyindula lwaku widi lu kuzaba ayi kusadila Yave?

LUSAKUMUNU TULENDA BAKA MU MBWONGIMINI YI KYEDIKA:

• 

  Twidi bidya biwombo bi kiphevi bi tusadisa kubaka mimvutu mu byuvu binkinza mu luzingu, minswa minnatisa luzingu lwitu ayi dyana ditsikama mu bilumbu binkwiza.—Yesaya 48:17, 18; 65:13; Loma 15:4

• Luzolo lu zikhomba mu nza yimvimba.—Minkunga 133:1; Yoane 13:35

• Twidi lwaku lu kuba bisadi binsalanga va kimweka ayi Nzambi mu kisalu kyandi. —Mavanga 20:35; 1 Kolinto 3:9

• “Ndembama yi Nzambi” yi tu kindisanga mu thangu tummonikina ziphasi. —Filipi 4:6, 7

• Mayindu mambote.—2 Timoteo 1:3

• “Kikundi ki fikama ayi Yave.”—Minkunga 25:14

Mu phila mbi yilenda monisina ti minu yimvwanga nkinza mbwongimini yikyedika?