Bwela Pisuka Mu Kisalu Ki Kusamuna​—Sadila Bubote Byuvu

NKINZA MBI KUVANGA MAWU: Boti ‘mabanza ma ntima mutu madi buka mazi madi thibu’ buna byuvu bidi buka mpanya mwingi kutitika mawu. (Zingana 20:5) Byuvu bi tusadisanga kuvanga mutu wunkoluka yitu katuba phila kammwena. Byuvu bisolo mbote binsadisanga mutu kavana mvutu. Yesu wusadila bubote byuvu. Bwidi tulenda landikinina kifwani kyandi?

MBI WULENDA VANGA:

• Yuvula byuvu bitedi phila mutu kammwena. Yesu wusadila beni byuvu bi phila ayiyi mwingi kuzaba mayindu mbi minlandikini myandi baba. (Matai 16:13-16; be 238 ¶3-5) Byuvu mbi wulenda vanga mwingi wuzaba bwidi mutu kammwena?

• Yuvula byuvu binkinza. Mwingi kuludika mayindu Petelo kaba, Yesu wumvana byuvu ayi mimvutu misadisa Petelo kabakula kyedika. (Matai 17:24-26) Byuvu mbi ngye wulenda vanga mwingi wusadisa mutu kabakula kyedika?

• Nyunga Voti Tonda mutu wunlonga. Bo nsoniki wumweka wu basi Yuda ‘kavutudila mu diela’ Yesu wunyunga. (Malako 12:34) Bwidi ngye wulenda nyungina voti kutonda mutu be vana mvutu wu kyuvu wumveni?

TALANU KITINI KITHETI KI VIDEO VANGA KISALU YESU KAVANGA​—LONGA, BOSI VANA MIMVUTU MI BYUVU BINLANDAKANA:

• Kibila mbi akiki kisi ko kifwani kimbote ki kulongila kheti mambu tunlonga madi makyedika?

• Kibila mbi tufweti vangila mambu mankaka kubika to kusudikisa ma tunlonga?

TALANU KITINI KIMWADI KI VIDEO BENI, BOSI VANA MIMVUTU MI BYUVU BINLANDAKANA:

• Bwidi khomba kasadila bubote byuvu?

• Mambu mbi mankaka matedi ndongulu’andi tulenda landakana?