Sadila Buboti Bilongulu Bi Kibibila

Yesu wutuba: ‘Luvana mu khambu tomba mfutu kibila beno mvinu lwisa futa ko.’(Matai 10:8) Befu tunsadilanga nswa awowo bo tunkhambu lindanga zimbongo mu Kibibila ayi bilongulu binkaka tunkabulanga. (2 Kolinto 2:17) Mu bilongulu beni, mwidi mambu ma nkinza ma bongulu mu dyambu di Nzambi. Mvandi zimbongo ziwombo zintombulwanga mwingi kubasisa ayi kukabula biawu mu bimvuka mu nza yimvimba. Diawu tufweti bonganga to ndambu yi bilongulu tuntomba voti tunkwiza sadila.

Nkinza beni kutala buboti mutu tumbikila bilongulu bo tunsamuna mu nzo ka nzo voti va nyalu nguba. (Matai 7:6) Tubika kutambika bilongulu beni kwidi woso kwa mutu, vayi tufueti ba ndwenga mwingi kumona ti nandi wunkwiza vwa mawu nkinza voti ndamba. Wulenda vutula ngete kheti mu kyuvu kimweka bidi mu quadro yidi va wanda? Ngye kumona ti kasa monisa ko beni nkinza, muna mbikila mwa nkanda voti tratado. Vayi boti nafeka be dinda levista tulenda kumvana kheti yimweka. (Zingana 3:27, 28)