Bwela Pisuka Mu Kisalu Ki Kusamuna—Sadisa “Badi Mintima Mikubama” Mwingi Baba Minlonguki

KIBILA MBI DIDIDI NKINZA: Yave wunsadisanga kyedika kimena mu mintima mi ‘baboso baba bakubama mu kubaka luzingu lukalumani.’ (Mavanga 13:48; 1 Kolinto 3:7) Tunsalanga va kimweka ayi nandi, mu kutsikika mangolo mitu, mu kusamuna zitsangu kwidi batu batidi kulonguka. (1 Kolinto 9:26) Minlonguki mi Kibibila bafweti visa ti Baklisto bafweti botama mwingi babaka phulusu. (1 Petelo 3:21) Befu tukubasadisanga kuba minlongi, mu kuba sadisa babalula nzigulu’awu yimbi mwingi basamuna, balonga ayi bayivana kwidi Yave.—Matai 28:19, 20.

BWIDI WULENDA VANGILA MAWU:

• Tebula moyo minlonguki mi Kibibila ti kibila widi mu kulongukila yawu, kidi mwingi ‘bazaba’ Yave ayi bansadila.—Yoane 17:3

• Kuba sadisa bayonzuka mu kiphevi ayi banunga zithotolo, buka babika bifu bimbi ayi nkangulu wumbi

• Wuba kindisa ava babotama ayi bo bammana kubotama.—Mavanga 14:22

TALANU VIDEO YAVE NZAMBI WALA KUSADISA, AYI VANA BYUVU BILANDA:

• Boma mbi bulenda vanga mutu kabika kukivana ayi kubotama?

• Bwidi bakulutu ba kimvuka balenda sadisila minlonguki mi Kibibila bayonzuka mu kiphevi?

• Mambu mbi Yesaya 41:10 matulonga mu matedi Yave?

• Zikhadulu mbi zyala tusadisa kusadila Yave mu phila yimboti, kheti mu kuba batu ba masumu?