DILONGI 10

Kusadila Buboti Mbembu

Zingana 8:4, 7

DILONGI: Sudikisa buboti mayindu ayi monisa mayangi mu phila wunnangikila voti wumvumbikila mbembu, wumvingisila ayi wunnatina yawu.

Zaba nangika ayi kuvumbika mbembu. Bwela nangika mbembu mwingi kutubila mambu malutidi nkinza ayi kusadisa batu ba kukuwa bavwa nkinza. Wufweti vanga mvandi mawu bo wuntanga matangu ma Kibibila mantubila lufundusu. Vumbika mbembu mwingi kutula phwila yi kukuwa mambu manlanda voti mwingi kumonisa mabanza ma boma voti dibamu.

Bika nangikanga mbembu kadika thangu, mwingi batu ba kukuwa babika mwena ti bawu wunsemba. Bika sabisa beni mu phila wunlongila mwingi wubika vanga batu baluta tala mambu wumvanga bika kwandi mambu wunlonga.
Zaba bu kumvingisila mbembu. Boti kuba mu mbembu’aku, nangika mbembu mwingi kumonisa mayangi voti kutubila bunneni bu kyuma ayi kinanu. Vumbika mbembu mwingi kumonisa mabanza ma kyunda voti dibamu.
Zaba bu kunatina mbembu. Yoluka beni mu nswalu mwingi kumonisa mayangi. Vayi yolukila mu malembe bo wuntubila mambu mankinza.

Mwingi kubika susula batu ba kukuwa, bika balula mbembu mu kinzimbukila. Bika yolukila mvandi mu thinu mwingi batu babika ba mu divuda mu khambu visa mambu wunkoluka.