DILONGI 13
Buidi Binganga bi Luvunu Bintatudilanga Batu Kuidi Nzambi?
Boti Nzambi widi luzolo kibila mbi binganga biwombo bantubilanga ti bambuongiminanga Nzambi, vayi bamvanganga mambu mambi? Mawu mamonikinanga kibila binganga abiobio bidi bi luvunu. Bawu bantubanga luvunu matedi Nzambi. Buidi binganga bi luvunu bintatudilanga batu kuidi Nzambi? Buidi Nzambi kantadilanga biawu ayi mbi nandi kala vanga?
1. Buidi malongi ma binganga bi luvunu mantatudilanga batu kuidi Yave?
Binganga bi luvunu ‘bamvingisanga luvunu va kibuangu ki kiedika.’ (Loma 1:25) Dedi, binganga biwombo balonganga ko dizina di Nzambi. Vayi Kibibila kintuba ti nkinza beni kusadila dizina di Nzambi. (Loma 10:13, 14) Bo diambu dimbi dimmonika zimfumu zi binganga, mimphelu, ayi minlongi bantubanga ti luawu luidi luzolo lu Nzambi. Vayi mawu madi luvunu, Nzambi kavanganga ko mambu mambi. (Tanga Yakobi 1:13.) Kiadi ayi kiunda kuzaba ti mambu amomo ma luvunu, mantatulanga batu kuidi Nzambi.
2. Buidi mavanga ma binganga bi luvunu mantatudilanga batu kuidi Nzambi?
Kibibila kintuba ti ‘masumu ma binganga bi luvunu mame sabila ngolo ayi matuka nati ku diyilu.’ (Nzaikusu 18:5) Tona thama nati bubu, binganga bi luvunu bankotanga mu mambu ma pulitica, ayi bambuelanga mioko mimvita. Mvandi, bawu bantuadisanga ayi bankikininanga lufua lu batu bawombo. Bawombo mu zimfumu zi binganga, badi busina buwombo kibila banzingilanga mu zimbongo zi basi binganga biawu. Binganga bi luvunu batadilanga ko batu mu phila Yave kaba tadilanga. Bawu bantubanga ti, Nzambi nandi wuba fila, vayi masi ko mawu mavanga mawu mammonisa. Bawu basa zaba ko Nzambi.—Tanga 1 Yoane 4:8.
3. Buidi Nzambi kantadilanga binganga bi luvunu?
Boti mambu binganga bi luvunu bamvanganga ma kubikanga mu ngazi, buabu yindula buidi Yave kammuenanga? Zimfumu zi binganga bantatulanga batu kuidi Nzambi ayi bakiebanga ko bisielu biawu. Yave wunzolanga batu ayi nandi wunyonganga beni kumona mambu zimfumu zi binganga bamvanganga, nandi wukanikisa ti nkadu to wusiedi ‘wala tulula binganga bioso bi luvunu, ayi biawu bialasa bue monika ko.’—Nzaikusu 18:8, 21..
BUELA LONGUKA
Fiongunina bivisa bimmonisa buidi Nzambi kantadilanga binganga bi luvunu, mambu mambi bamvanganga ayi kibila mbi wulendi bikila ko kulonguka matedi Yave mu kibila ki mambu binganga abiobio bamvanganga.
4. Nzambi kavitikanga ko binganga bioso
Batu bawombo bantubanga ti binganga bidi biviakana, vayi Nzambi yimueka kuandi to binsambilanga. Mawu madi makiedika? Tanga Matai 7:13, 14, bosi tubilanu kiuvu kinlanda:
Mbi Kibibila kintuba matedi nzila yinnata ku luzingu?
Tala VIDEO, bosi tubilanu kiuvu kinlanda.
Bukiedika ti Kibibila kimmonisa ti binganga bioso binkuangidikanga Nzambi?
5. Binganga bi luvunu bimonisanga ko luzolo mu Nzambi
Binganga bi luvunu, bintatulanga batu kuidi Nzambi mu ziphila ziwombo. Phila yimueka bamvangilanga mawu yidi mu kubuela mioko mimvita. Ndoku tutala kifuani kimueka, tala VIDEO. Bosi tubilanu biuvu binlanda.
Mbi binganga biwombo bivanga mu thangu mvita wumuadi wulutidi mu nza yimvimba wutona?
Buidi wummuena mambu bawu bavanga?
Tanga Yoane 13:34, 35 ayi 17:16. Bosi tubilanu biuvu binlanda:
Mu mbuenu’aku buidi Yave kammuenanga bo binganga bi luvunu bambuelanga mioko mimvita?
Binganga bi luvunu bawu bavuidi fotu mu mambu mawombo mambi mammonikanga. Mambu mbi ngie wumana mona binganga bi luvunu kuvanga mammonisanga ti basi ko luzolo mu Nzambi?
Binganga bi luvunu bamonisanga ko luzolo mu Nzambi
6. Nzambi wuntomba kusadisa batu batatuka binganga bi luvunu
Tanga Nzaikusu 18:4,a tala nota, bosi tubilanu kiuvu kinlanda:
Binganga bi luvunu bamvunanga batu, buidi ngie wummuena mu kuzaba ti Nzambi wuntomba kusadisa batu babotuka mu binganga abiobio?
7. Tatamana kulonguka matedi Nzambi yikiedika
Bukiedika ti mambu binganga bi luvunu bamvanganga mafueti kutatula kuidi Nzambi? Yindula kifuani ki muana wunkhambu tumukinanga malongi ma tat’andi nandi wumbaka makani ma kubasika va nzo, ayi wuntona kuvanga mambu mambi. Tat’andi kasinkikinina ko mambu nandi kamvanga. Bukiedika ti wufueti vana fotu kuidi tat’andi mu mambu mambi muana kamvanga?
Didi diambu dimboti kuvana fotu kuidi Yave ayi kubika kulonguka matedi nandi, mu kibila ki mambu mambi binganga bi luvunu bamvanganga?
BATU BANKAKA BANTUBANGA: “Yizolanga ko kukuenda mu nzo Nzambi kibila binganga abiobio biawu bintuadisanga ziphasi.”
Ngie wunkikinina mawu?
Kibila mbi wulendi bikila ko mambu mambi binganga bi luvunu bamvanganga ma kutatula kuidi Yave?
MBI NGIE BELONGUKA
Binganga bi luvunu bintatulanga batu kuidi Nzambi bawu bamvangilanga mawu mu kulonga ayi kuvanga mambu mawombo mambi. Nzambi wala tulula binganga bioso bi luvunu.
Vutukila Mambu Mamfunu
Buidi wummuenanga mambu binganga bi luvunu banlonganga ayi bamvanganga?
Buidi Yave kantadilanga binganga bi luvunu?
Mbi Nzambi kala vangila binganga bioso bi luvunu?
TALA MAMBU MANKAKA
Longuka matedi ziphila wuadi binganga bi luvunu bantatudilanga batu kuidi Nzambi.
Kibila mbi Yave kantombila muingi tumbuongimina va kimueka na batu bankaka?
“Bukie Dika ti Vantombulu Muingi Batu Bakota mu Kinganga?” (Dilongi didi mu jw.org)
Tala kinongu ki mphelu wumueka wuba divuda diwombo matedi kinganga kiandi. Kheti bobo nandi kasa vonga ko kutomba kuzaba kiedika matedi Nzambi.
“Por que um padre deixou a Igreja?” (Despertai!, Fevereiro de 2015)
Tona thama binganga biwombo banlonganga mambu ma luvunu matedi Nzambi, diawu batu bawombo banyindudilanga ti Nzambi katu vuanga ko nkinza ayi nandi widi mutu wumbi.
“Mentiras que afastam as pessoas de Deus” (A Sentinela, 1.º de Novembro de 2013)