DILONGI 39
Buidi Nzambi Kantadilanga Menga
Menga madi beni nkinza, kibila befu kukhambu menga tulendi zinga ko. Yave nandi mvang’itu, diawu nandi to widi nsua wu kutukamba buidi tufueti sadila menga. Mambu mbi nandi katuba matedi menga? Bukiedika ti befu, tulenda dia voti kuvutula menga? Buidi tulenda bakila makani mamboti matedi mambu amomo?
1. Buidi Yave kantadilanga menga?
Mu nzila Kibibila, Yave wukamba bisadi biandi mu thangu yikhulu: “Luzingu lu biuma bioso bidi moyo, luidi mu menga.” (Levitiku 17:14) Kuidi Yave, menga madi luzingu. Luzingu ayi menga bidi biuma binlongo va meso ma Yave. Diawu tufueti kiebila biawu buboti.
2. Phila mbi yi kusadila menga Yave kankandimina?
Nsiku Yave kavana kuidi bisandi biandi mu thangu yikhulu, waba kandimina kudia menga. (Tanga Ngenesi 9:4 ayi Levitiku 17:10.) Yave wukindisa nsiku awowo mu kusadila dingumba dintuadisi mu sekulu yitheti muingi bakamba Baklisto “babika kusadila menga . . . mu ziphila zioso.”—Tanga Mavanga 15:28, 29.
Mbi binsundula kubika kusadila menga mu ziphila zioso? Yindula boti dotoli wu kukamba wubika nua malavu, ḿba ngie wunkuiza vanga mangolo muingi kuntumukina. Vayi, bukiedika ti vadi tsundu ngie kudianga bidia batula malavu voti kutobula malavu beni mu zitsila? Befu tuzebi ti ndamba. Bobuawu mvandi, thuadusulu Nzambi kavana yi kubika sadila menga mu ziphila zioso yinsundula ti, tulendi nua ko menga voti kudia bidia bidi menga.
Buidi bansadilanga menga mu zinzo zimbuku? Ziphila zinkaka bansadilanga menga mu zinzo zimbuku, zimbundulanga nsiku wu Yave matedi menga. Dedi, bamvutulanga menga ayi zifrações zi menga—buka ziglobulu zibenga, ziglobulu ziphembi, ziplaqueta, ayi ziplasma. Bilongo batu bankaka bamvanganga bisi ko kithuadi na nsiku wu Nzambi matedi menga. Dedi, mu bilongo binkaka, bansadilanga menga voti zifrações zi menga. Ayi khumbu zinkaka bo bampasula mutu voti bandiodisa menga ma mutu, bawu bansadilanga maquina yimueka yimbasisanga menga ma mutu beni, vayi menga beni mabue vutukanga mu nyitu yi mutu. Mu matedi mbukulu ayoyo, kadika mutu kafueti baka makani mandi veka.a—Ngalatia 6:5..
BUELA LONGUKA
Fiongunina buidi wulenda bakila makani mamboti matedi, phila mbukulu mbi voti bilongo wunkuiza vitika mu matedi menga.
3. Sola mbukulu yinkuangidika Yave
Buidi wulenda bakila makani madi nguizani na phila Yave kantadilanga menga? Tala VIDEO, bosi tubilanu nkinza wu kulandakana zithuadusulu zinlanda.
Dinda nduenga mu nzila nsambu. —Yakobi 1:5.
Fiongunina minsua mi Kibibila ayi buidi wulenda sadila miawu.—Zingana 13:16.
Fiongunina zimbukulu mbi bansadilanga ku tsi wunkalanga.
Fiongunina zimbukulu mbi wulendi vitika ko.
Fiongunina boti makani wunkuiza baka mankuiza bika kilunzi kiaku kidiodila. —Mavanga 24:16.b
Zaba ti—ni nnuni voti nkazi’aku, ni bakulutu ba kimvuka, voti mutu wunlongukanga yaku Kibibila—balenda kubakila makani muingi wuba kilunzi kidiodila.—Loma 14:12.
Sonika makani wunkuiza baka mu nkanda.
4. Zimbangi zi Yave bantombanga mbukulu yilutidi
Tulenda tatamana bakuikama mu nsiku wu Yave wutedi menga ayi kubaka mbukulu yilutidi mu khambu sadila menga. Tala VIDEO.
Tanga Tito 3:2, bosi tubilanu kiuvu kinlanda:
Kibila mbi tufueti bela bavumbama ayi kumonisa lukinzu bo tunkoluka na mimfelimi?
Tulendi vitika ko |
Makani ma kadika mutu |
|---|---|
A. Ziplasma |
Zifrações ziplasma |
B. Ziglobulu ziphembi |
Zifrações ziglobulu ziphembi |
C. Ziplaqueta |
Zifrações ziplaqueta |
D. Ziglobulu zibenga |
Zifrações ziglobulu zibenga |
5. Bo vantombulu kusadila zicomponente zidi mu menga
Mu menga muidi zicomponente zinna bantedilanga—ziglobulu zibenga, ziglobulu ziphembi, ziplaqueta, ayi ziplasma. Mu khati zicomponente beni, muidi mvandi mua biuma biluelu bantedilanga zifrações zi menga.c Mu zinzo zimbuku ziwombo bansadilanga biuma bidi mu menga voti zifrações zi menga, muingi kubuka bimbevu biwombo ayi kusadisa batu babika kumba beni menga mu thangu bampasulu voti banluala.
Mu matedi kutambula mbukulu bansadilanga zifrações zi menga, kadika mutu kafueti sadila kilunzi kiandi kikubuku mu Kibibila, muingi kabaka makani mandi veka.
Ava wubaka makani beni, wukiyivusa:
Buidi yilenda zabikisila kuidi dotoli’ama, kibila mbi yinkikininanga voti yimmanginanga mbukulu bansadilanga menga voti zifrações zi menga?
ABU MUTU NA KUKUVULA: “Bukiedika ti didi disumu kuvutula menga?”
Mvutu mbi wulenda vana?
MBI NGIE BELONGUKA
Yave wuntomba tubika sadila menga mu phila yimbi.
Vutukila Mambu Mamfunu
Kibila mbi Yave kantadilanga menga banga kiuma kinlongo?
Buidi tuzabidi ti nsiku wu Yave wutedi kutatuka menga mu ziphila zioso, wunsundula mvandi kubika vutula menga?
Buidi wulenda bakila makani mamboti matedi mbukulu bansadilanga menga?
TALA MAMBU MANKAKA
Mbi bifueti tuadisa makani tumbaka matedi mbukulu yi kusadila menga mitu veka?
“Perguntas dos Leitores” (A Sentinela, 15 de Outubro de 2000)
Mbi wufueti tebukanga moyo bo wumbaka makani ma kuvitika mua zifrações zi menga?
Mbi bisadisa mfelimi wumueka kukikinina ti phila Yave kantadilanga menga yidi yifuana?
“Aceitei o conceito de Deus sobre o sangue” (Despertai!, 8 de Dezembro de 2003)
Longuka buidi nkulutu wu kimvuka widi mu dingumba di Comissões de Ligação Hospitalar kansadisilanga zikhomba ziandi zi kiphevi.
a Tala dilongi 35, dintuba “Mbi Binkuiza Kusadisa Kubaka Makani Mamboti?”.
b Tala nota 5 yituba: “Bo vantombulu kusadila zicomponente zidi mu menga” ayi Nota 3, “Ziphila Zidotoli Bansadilanga Menga.”
c Zidotoli ziwombo bakikininanga ko ti zicomponente aziozio mvandi yidi phila yi kusadila menga. Diawu, ava wutomba mbukulu wufueti ba lufiatu ti dotoli beni, zebi ti ngie wukikininanga ko kutambula menga voti zicomponente ziandi. Dedi, ziglobulu zibenga, ziglobulu ziphembi, ziplaqueta ayi ziplasma.