DILONGI 48
Sola mu Nduenga Bakundi Baku
Bakundi bamboti, ba tutuadisanga mayangi ayi ba tusadisanga bo tumviokila mu ziphasi. Vayi Kibibila ki tulubula ti bakana ko baboso balenda ba bakundi bamboti. Diawu, buidi tufueti sodila bakundi bamboti? Mu dilongi adidi tunkuiza baka mvutu wu kiuvu akiokio.
1. Kibila mbi tufueti sodila bakundi mu nduenga?
Befu tuidi kifu ki kulandakananga zikhadulu zi batu bamviokisa yitu thangu. Dedi tulenda landakana mambu tummona mu televisão voti mu internet. Ayi mawu malenda ba mu phila yimboti voti yimbi. Kibila Kibibila ki tulubula “woso wundiatanga na bankua nduenga, wala ba nduenga; vayi woso widi nkangulu na bakhambulu nduenga, [batu boso bakhambu zola Yave] wala baka tsukulu yimbi.” (Zingana 13:20) Bakundi banzolanga ayi bambuongiminanga Yave, balenda tusadisa kumfikama ayi kubaka makani mamboti. Vayi bakundi bamanga buongiminanga Yave, balenda tutatula kuidi nandi. Diawu Kibibila ki tukindisila muingi tusola bakundi bitu mu nduenga. Befu kusola bakundi banzolanga Yave tunkuiza baka ndandu ayi tunkuiza “kindasana ayi bombasana befu na befu.”—1 Tesalonika 5:11.
2. Ntindu mbi bakundi Yave kantomba befu tusola?
Yave wunsolanga bakundi bandi mu nduenga. Nandi “widi kikundi kifikama na batu basonga.” (Zingana 3:32) Buidi Yave kankuiza muena befu kusola bakundi bammanga kunzolanga? Nandi wunkuiza ba beni mu kiunda. (Tanga Yakobi 4:4.) Vayi Yave wunkuiza yangalala ayi wala tusola banga bakundi bandi befu kubika minkangulu mimbi ayi kuvanga mangolo muingi kumfikama ayi kufikama batu ba kunzolanga.—Minkunga 15:1-4..
BUELA LONGUKA
Fiongunina kibila mbi tufueti sodila bakundi bambuongiminanga Yave ayi ndandu mbi tulenda baka.
3. Tatuka minkangulu mimbi
Batu bakhambu zolanga Yave ayi minsua miandi badi minkangulu mimbi. Tala VIDEO, bosi tubilanu kiuvu kinlanda.
Buidi minkangulu mimbi milenda ku tuvukumunina nkadu nkadu?
Tanga 1 Kolinto 15:33, bosi tubilanu biuvu binlanda:
Phila batu mbi balenda ba minkangulu mimbi? Kibila mbi?
Tanga Minkunga 119:63, bosi tubilanu kiuvu kinlanda:
Mbi bilenda kusadisa kuzaba boti mutu widi nkundi wumboti?
Dikundi dimueka di maçã dibola dilenda bodisa mankaka. Mbi bilenda monika befu kuba minkangulu mimbi?
4. Batu badi phunga yiviakana na befu balenda ba bakundi bamboti
Kibibila kintubila kikundi ki Davidi ayi Yonatani, babakala buadi ba basi Isaeli. Bawu baba disuasana mu phunga vayi kheti bobo baba kikundi kifikama. Tanga 1 Samueli 18:1, bosi tubilanu kiuvu kinlanda:
Kibila mbi vasintombulu ko theti bakundi bitu baba phung’itu, nzayilu, voti kisalu kidedakana?
Tanga Loma 1:11, 12, bosi tubilanu kiuvu kinlanda:
Buidi bakundi banzolanga Yave balenda ku yikindasana?
Mu video yinlanda mona buidi khomba mueka widi ditoko kabakudila bakundi vama nandi kabasa yindulanga ko. Tala VIDEO, bosi tubilanu biuvu binlanda.
Mu video tube mona, kibila mbi matata ma Akil baba kuazukilanga mu kibila ki bakundi kaba mu kikola?
Va thonono kibila mbi nandi kaba zodilanga bakundu beni?
Buidi nandi kanungina kiunda ki kukhambu baka bakundi?
5. Mbi wulenda vanga muingi kubaka bakundi bamboti
Longuka buidi bu kubakila bakundi bamboti—ayi buidi mvaku wulenda bela nkundi wumboti. Tala VIDEO.
Tanga Zingana 18:24 ayi 27:17, bosi tubilanu biuvu binlanda:
Buidi bakundi bakiedika ba kisadisilanga bawu na bawu?
Ngie widi nkundi wu phila yoyo? Boti ndamba buidi wulenda bakila wumueka?
Tanga Filipi 2:4, bosi tubilanu kiuvu kinlanda:
Muingi tubaka bakundi bamboti, vantombulu befu mvitu tuba nkundi wumboti. Buidi wulenda vangila mawu?
Muingi wubaka bakundi bamboti ngie wufueti ba mvandi nkundi wumboti
BATU BANKAKA BANTUBANGA: “Kuvanga kikundi na woso kuandi mutu bulutidi kena kukhambu nkundi.”
Buidi wummuena diyindu adiodio?
MBI NGIE BELONGUKA
Bo tunsola bakundi mu nduenga, tunkuiza yangidika Yave ayi tunkuiza baka ndandu.
Vutukila Mambu Mamfunu
Kibila mbi Yave kamvuilanga nkinza phila bakundi tunsola?
Phila batu mbi tulendi sola ko muingi baba bakundi bitu?
Buidi wulenda vangila kikundi kimboti na mintindu mioso mi batu bambuogiminanga Yave?
TALA MAMBU MANKAKA
Tala buidi bakundi bakiedika balenda ku tusadisila bo tumviokila mu ziphasi.
Mona mbi wufueti vanga muingi wubaka bakundi bamboti ayi wuba nkundi wumboti.
“Como fazer bons amigos?” (Os Jovens Perguntam, Volume 1, capítulo 8)
Mbi wufueti zaba matedi kutombila bakundi mu internet?
Mu kinongo “Yaba Tomba Kubaka Tata,” mona mbi bisadisa dibakala dimueka kusola bakundi bamboti.
“A Bíblia muda a vida das pessoas” (A Sentinela, 1 de Abril de 2012)