Sadila Buboti ‘Nkhailu’aku wu Kiphevi’

Befu boso tumvuanga nkinza khindusulu tuntambulanga kuidi zikhomba zitu zi kiphevi. Vayi tutambulanga ko to khindusulu ayoyo bo tuidi va kimueka. Kibibila kintedila “nkhailu wu kiphevi,” khindusulu tumvanasananga befu na befu. (Lom. 1:​11, 12) Buidi tulenda sadila nkhailu awowo?

Kindisa bankaka mu mambu wunkoluka. Dedi, tulenda vana mimvutu mi khindusulu mu zikhutukunu, mu kubika tsikika thalu mu befu veka vayi mu Yave, mu Diambu diandi ayi mu dikabu diandi. Mu masolo mitu na zikhomba, tufueti sola bikuma bilenda bakindisa.

Kindisa bankaka babaka makani ma nduenga. Dedi, vadi zikhomba ziwombo badi makani ma kutatamana mu kisalu ki thangu ka thangu kheti bamviokilanga mu mambu maphasi. Bankaka bambuelanga mioko mu lukutukunu lu khati tsika sabala kheti dimbanga diambu diphasi mu kibila ki kisalu kiawu voti mu kibila ki mambu ma kimbevu.

Mambu wunkolukanga mankindisanga zikhomba ziaku zi kiphevi? Ngie widi wukubama muingi kutambula nkhailu wu kiphevi bankaka ba kuvananga?