VUTUKILA MUTU NIO YANGIDIDI
Mavanga 19:8-10
DILONGI 7
Tatamana
Tsikudukusu: “Basi vonga ko mu longa ayi mu yamikisa nsamu wumboti.”—Mav. 5:42.
Diambu mbi Polo kavanga
1. Tala VIDEO, voti tanga Mavanga 19:8-10. Ayi tadileno biuvu biabi bilandikini:
Va buangu ki vonga bo batu bankaka bamanga kunwa, bue Polo katatimina sadisila batu bo bayangalala wa nsamu mboti?
Khumbu ziwombo, bue Polo kabe vutukilanga batu bobo bayangalala, ayi khumbu zikua kabe bavutukilanga?
Dilongi mbi tubeki kuidi Polo?
2. Thangu ayi zingolo bintombana mu vutukilanga batu mu phila yifuana ayi tona ndongokolo yi Bibila ayi bawu.
Sokudila Polo
3. Programi yaku yidedakana ayi yi batu bo wunsamunina. Wukiyuvula: ‘Thangu mbi yilutidi yimboti yo ndilenda tomba soludila ayi mutu beni? Kue ayi thangu mbi ndilenda luta soludila yandi mu phila yimboti?’ Tula ngolo wuvutukilanga batu buba thangu yi kubavutukila yisi dedakana ko ayi programi yaku.
4. Wizaneno lumbu kioki luela bue dengana. Kutsuka yi kadika disolo, meka tubila lumbu ayi thangu yo lulenda bue solula ayi mutu beni. Ba sikididi ti wela kinzika programi yi lumbu kioki wela kumvutukila.
5. Kadi zimbisa vuvu. Kadi fika yindula ti mutu beni bo kakadilanga ko ku nzo voti bo kakala bisalu biwombo muna kayangalalanga ko wa nsamu wumboti. (1 Ko. 13:4, 7) Va buangu kiyindula phila beni yoyi, teza vuvu kiaku ayi sadila bumboti mboti thangu’aku.—1 Ko. 9:26.
TALA DIAKA
Mav. 10:42; 1 Ko. 9:22, 23; 2 Ko. 4:1; Nga. 6:9