Wukitudi va buangu ki batu bankaka

Diambu mbi Yesu kavanga

VIDEO: Yesu wumuena nkangu kiadi

1. Tala VIDEO, voti tanga Malako 6:30-34. Ayi tadileno biuvu biabi bilandikini:

1. Bila mbi Yesu ayi bathumu bandi bedi katombila “ba va buangu kikambulu batu”?

2. Mbi bituma Yesu kalonga nkangu?

Dilongi mbi tubeki kuidi Yesu?

2. Kadulu ki kukitula va buangu ki batu bankaka kieta tutuma tukitatikisa mu diambu di batu beni, vayi bika mu tsangu’eto kaka.

Sokudila Yesu

3. Ba mutu nio weta wa mu nguilu yimboti. Bika mutu kabimisa mabanza mandi niandi veka. Bo kantuba kadi kun’zenga voti kadi fika manga mabanza mandi, zithatukusu ziandi, voti ziphaka ziandi. Ngeyo kuntudila thalu, buawu mawu monisina ti wulembo mamoni mfunu wombo.

4. Yindulanga batu bobo bayangididi. Mu tadila disolo diodi lusoludidi, wukiyuvula:

1. ‘Bila mbi kafueti wila kiedika ki Bibila?’

2. ‘Bue ndongokolo yi Bibila yilenda bongisila luzingu luandi mu bilumbu biabi ayi mu bilumbu binkuiza?’

5. Wunkambi minsamu miomi midedikini ayi ziphuila ziandi. Ti diluaku didi, tona vana thonono, wummonisa bue ndongokolo yi Bibila yilenda vanina mimvutu mu biuvu biandi ayi yilenda kunsadisila mu luzingu luandi lu lumbu ka lumbu.