APANDISI C

Bue wulenda tuadisila ndongokolo yi Bibila mu sadila buku Zinga mu mayangi mvu ka mvu!

Bakhomba basambila buwombo ayi batula zithombolo ziwombo muingi babimisa buku Zinga mu mayangi mvu ka mvu! Muingi tubakila buku beni mamboti, tusadila madiela madi va wanda vava mu thangu tuntuadisa ndongokolo yi Bibila.

Tuamina ndongokolo yiba

1. Kubama bumboti mboti. Ngeyo butudila, buawu mawu yindudila ziphuila, mambu mo kalembo dengana, ayi mbueno yi nlongoki’aku. Meka yindudila mambu mo nduka nduka malenda kunsadisa kamasudika ayi kamasadila. Tadila bue mambu mo madi va tini “Tala mambu mankaka” malenda sadisila nlonguki’aku, ayi ba wukubama mu kumasadila mu thangu yi ndongokolo, enati bufueni.

Mu thangu yi ndongokolo

2. Enati nlonguki’aki kikinini, bufueni lutonina ayi lusukisila mu lusambulu.
3. Kadi tuba buwombo. Luta tudi thalu mu sadulu kio lulembo sadila, ayi bika nlonguki kavana mabanza mandi.
4. Thangu lutonini tini kimosi kingudi, tanga mabanza ma mfunu ma tini beni ayi tubila mu bukhufi mua ndambu mintu mi malongi mi tini beni.
5. Thangu wume manisa tini kimosi kingudi, sadila buangu phutukulu yi tini muingi wusadisa nlonguki’aku kabambukila moyo malongi makiedika mo kame longuka.
6. Mu thangu wulembo longuka kadika dilongi ayi nlonguki’aku:
1. Katanga ziparagrafi.
2. Katanga ziverse zioso batudidi “Tanga.”
3. Katanga diaka ziverse zinkaka ziozi zidi mu paragrafe, enati bulendaka.
4. Katala zivideo zioso zio batudidi “Tala” (enati diluaka didi yaku).
5. Yuvula nlonguki kadika kiuvu.
6. Tula thalu mu foto yidi va buangu “Tuvisa mboti mboti”, ayi kamba longuki’aku katubila foto beni.
7. Sadila ankadre “Lukanu luama” muingi wusadisa nlonguki’aku kalandakana ndionzukulu’andi yi kipheve. Wulenda kukindisa kasadila lukanu lo batudidi muingi kakitudila zikhanu zinkaka, voti ziazi wadi.
8. Yuvula nlonguki’aku enati kuidi na disolo voti video yo yidi va buangu “Tala mambu mankaka” yo yinyangidikidingi mu thangu kafina bongisa dilongi beni.
9. Meka manisanga kadika dilongi mu khumbu mosi.

Kumanima ma ndongokolo

7. Tatamana yindulanga nlonguki’aku. Sambilanga Yehova kasakumuna khulama yi nlonguki’aku ayi kavana nduenga muingi wuzaba bue bukunsadisila.