18 Maʼ unaj a vengarkaba+ mix a chʼaʼpʼektik a wéet israelitailiʼ. Unaj a yaabiltik a wéet máakil jeʼex a yaabiltikabaeʼ.+ Teneʼ Jéeobaen, teen a Dioseʼex.

12 Le oʼolaleʼ tuláakal le baʼaxoʼob a kʼáateʼex ka beetaʼakteʼex tumen le máakoʼoboʼ, teʼexeʼ bey xan unaj a beetkeʼextiʼoboʼ.+ Leloʼ letiʼe baʼax ku kaʼansik le Ley yéetel le Profetaʼoboʼ.+

39 Le u kaʼapʼéeloʼ chíikaʼan tiʼ le yáax junpʼéeloʼ, letiʼ lelaʼ: ‹Kʼaʼabéet a yaabiltik a wéet máakil jeʼex a yaabiltikabaeʼ›.+

8 Maʼ a pʼaxkeʼex mix baʼal tiʼ mix máak, baʼaxeʼ yaabiltabaʼex ta baatsileʼex,+ tumen le máax ku yaabiltik u yéet máakileʼ ku tsʼoʼokbesik le leyoʼ.+ 9 Tumen le ley tuʼux ku yaʼalik: «Maʼ unaj a tusik a núupiʼ,*+ maʼ unaj a kíimsik mix máakiʼ,+ maʼ unaj a wookoliʼ,+ maʼ unaj a tsʼíiboltik baʼax maʼ a tiaʼaliʼ»,+ bey xan jeʼel máakalmáak uláakʼ mandamiento yaneʼ, ku láaj tsʼoʼokbesaʼaloʼob ikil u beetaʼal lelaʼ: «Kʼaʼabéet a yaabiltik a wéet máakil jeʼel bix a yaabiltikabaeʼ».+

8 Le oʼolaleʼ wa ka tsʼoʼokbeskeʼex le nojoch ley* ku yaʼalik: «Kʼaʼabéet a yaabiltik a wéet máakil jeʼel bix a yaabiltikabaeʼ»,+ jach maʼalob baʼax ka beetkeʼex.