Jueces

14 Junpʼéel kʼiineʼ Sansóneʼ bin Timnaeʼ ka tu yilaj juntúul koʼolel filistea. 2 Le oʼolal bin tu yiknal u papá yéetel u maamaeʼ ka tu yaʼalajtiʼob: «Tu kaajil Timnaeʼ tin wilaj juntúul koʼolel filistea. In kʼáat ka a beeteʼex tuláakal baʼax kʼaʼabéet utiaʼal u tsʼoʼokol in beel tu yéetel». 3 Pero u papá yéetel u maamaeʼ tu yaʼalajtiʼ: «¿Maʼ wa tu páajtal a kaxtik juntúul koʼolel ichil a láakʼtsiloʼob yéetel a kaajal?+ ¿Maʼalob wa ka xiʼikech a chʼaʼ juntúul koʼolel ichil le filisteoʼob maʼatech u meyajtikoʼob Diosoʼ?».* Chéen baʼaleʼ Sansóneʼ tu yaʼalaj tiʼ u papá: «Ilawil a conseguirtikten tumen letiʼe koʼolel uts tin wichoʼ». 4 U papá yéetel u maamaeʼ maʼ tu tsʼáajoʼob cuenta wa Jéeoba beetik u yúuchliʼ, letiʼeʼ* táan kaʼach u kaxtik u yantal baʼax oʼolal u baʼateʼel tu contra le filisteoʼoboʼ. Teʼ kʼiinoʼob jeʼeloʼ letiʼe filisteoʼob ku gobernaroʼob tu yóokʼol u kaajil Israeloʼ.+

5 Le oʼolal Sansóneʼ bin yéetel u papá bey xan yéetel u maama tu kaajil Timna. Le ka kʼuch Sansón teʼ tuʼux yaan u pakʼal uva u kajnáaliloʼob Timnaoʼ, joʼopʼ u taal juntúul león* tu tojil táan u jéenkal. 6 U poder Jéeoba túuneʼ tu beetaj u yantal u muukʼ Sansón,+ le oʼolal tu kóotspaytaj le leónoʼ ka tu jóoʼsaj kaʼabúuj tiʼ, bey jeʼex ka u kóotspayt máak juntúul chan chivo ka u jóoʼs kaʼabúuj tiʼeʼ. Chéen baʼaleʼ maʼ tu yaʼalaj tiʼ u papá yéetel tiʼ u maama le baʼax tu beetoʼ. 7 Ka tsʼoʼokeʼ Sansóneʼ bineʼ ka tu tʼanaj le koʼoleloʼ, tumen letiʼe koʼolel láayliʼ maʼalob u yilik kaʼach Sansónoʼ.+

8 Le táan kaʼach u bin Sansón tu kaajil Timna utiaʼal u chʼaʼik le koʼolel u bis tu yotochoʼ,+ tséel utiaʼal u yilik le león tu kíimsoʼ. Ka tu yileʼ ichil u wíinklil le leónoʼ yaan junpʼéel enjambreiʼ, tsʼoʼoleʼ yaan u kaabil. 9 Letiʼ túuneʼ ka tsʼoʼok u joʼochik le kaaboʼ tu chʼaʼajeʼ ka joʼopʼ u jaantik mientras táan u bin u xíimbal. Ka tu chukpachtaj u papá yéetel u maamaeʼ tu tsʼáaj junpʼíit u jaantoʼobiʼ. Chéen baʼaleʼ maʼ tu yaʼalajtiʼob wa ichil u wíinklil juntúul kimen león tu chʼaʼaj le kaaboʼ.

10 U papáeʼ bin tak tuʼux yaan le koʼoleloʼ, ka tsʼoʼokeʼ Sansóneʼ tu beetaj junpʼéel nojoch janal teʼeloʼ, tumen letiʼe baʼax suuk u beetik kaʼach le táankelmoʼoboʼ. 11 Le ka ilaʼabeʼ taasaʼab 30 u túulal táankelmoʼob utiaʼal láakʼintik. 12 Sansón túuneʼ tu yaʼalajtiʼob: «Paʼatik in waʼalikteʼex junpʼéel baʼal utiaʼal in wilik wa jeʼel a naʼatkeʼexeʼ. Wa durante le siete días táan le nojoch janal ka naʼatkeʼex yéetel ka waʼalikeʼexten baʼax u kʼáat u yaʼaleʼ, yaan in tsʼáaikteʼex 30 u pʼéelel nookʼ de lino bey xan 30 mudas nookʼ. 13 Pero wa maʼ tu páajtal a waʼalikeʼexten baʼax u kʼáat u yaʼaleʼ unaj a tsʼáaikeʼexten 30 u pʼéelel nookʼ de lino bey xan 30 mudas nookʼ». Letiʼobeʼ tu yaʼaloʼob: «Aʼaltoʼon le baʼax a kʼáat ka k-naʼatoʼ, taak k-uʼuyik». 14 Le oʼolal tu yaʼalajtiʼob:

Durante tres díaseʼ letiʼobeʼ maʼ páajchaj u naʼatkoʼob le baʼax aʼalaʼabtiʼoboʼ. 15 Tu cuatro díaseʼ letiʼobeʼ tu yaʼaloʼob tiʼ u yatan* Sansón: «Ilawil a jóoʼsik tiʼ a wíicham+ baʼax u kʼáat u yaʼal le baʼax tu yaʼaloʼ, le kéen tsʼoʼokkeʼ ka waʼaliktoʼon. Tumen wa maʼeʼ yaan k-tóokikech paʼteʼ yéetel a láakʼtsiloʼob. ¿Chéen wa ta tʼanoʼon utiaʼal a tokiktoʼon baʼax yaantoʼon?». 16 U yatan Sansón túuneʼ joʼopʼ u yokʼol tu táaneʼ, ka tu yaʼalajtiʼ: «Maʼ a yaabiltmeniʼ, baʼaxeʼ a pʼekmen.+ Ta waʼalaj junpʼéel baʼal utiaʼal u naʼataʼal tumen in kaajal, pero maʼ a waʼalten baʼax u kʼáat u yaʼaliʼ». Sansón túuneʼ tu yaʼalajtiʼ: «¡Wa mix tiʼ in papá yéetel tiʼ in maama in waʼaleʼ!, ¿unaj wa túun in waʼaliktech?». 17 Pero le koʼoleloʼ seguernaj u yokʼol tu táan Sansón u yalab le siete días táan le janaloʼ. Letiʼ túuneʼ tu yaʼalajtiʼ tu tsʼook u kʼiinil le janaloʼ tumen tsʼoʼok u jach náaksaʼal u yóol. Ka tsʼoʼokeʼ le koʼoleloʼ tu yaʼalaj tiʼ u kaajal baʼax u kʼáat u yaʼal le baʼax tu yaʼalaj Sansónoʼ.+ 18 Le oʼolal tu tsʼook día le nojoch janal, antes u tʼúubul le kʼiinoʼ, u kajnáaliloʼob le kaajoʼ tu yaʼaloʼobtiʼ:

Letiʼ túuneʼ tu yaʼalaj:

19 Ka tsʼoʼokeʼ u poder Jéeobaeʼ tu beetaj u yantal u muukʼ Sansón.+ Letiʼ túuneʼ bin Askelóneʼ+ ka tu kíimsaj 30 u túulal xiiboʼobeʼ ka tu chʼaʼaj u nookʼoʼob, ku tsʼoʼokoleʼ ka tu tsʼáaj le nookʼoʼob tiʼ le máaxoʼob tu naʼatoʼob le baʼax tu yaʼaloʼ.+ Sansóneʼ sen pʼujaʼan kaʼach mientras táan u suut tu yotoch u papá.

20 Ka tsʼoʼokeʼ u yatan Sansóneʼ+ tsʼaʼab tiʼ juntúul tiʼ le táankelmoʼob láakʼintoʼ.+