Mateo

3 Teʼ kʼiinoʼob jeʼeloʼ Juan+ Bautistaeʼ joʼopʼ u tsikbaltik u tʼaan Dios*+ tu desiertoil Judea. 2 Lelaʼ letiʼe baʼax ku tsikbaltikaʼ: «Kʼex a tuukuleʼex tumen u Reinoil kaʼaneʼ tsʼoʼok u náatsʼal».+ 3 Tu yoʼolal Juaneʼ le profeta Isaíasoʼ+ tu yaʼalaj: «Yaan máax ku yawat teʼ desiertooʼ, letiʼeʼ táan u yaʼalik: ‹¡Prepararteʼex u beel Jéeoba! ¡Táaxkunteʼex u beeloʼob!›».+ 4 U nookʼ Juaneʼ de u tsoʼotsel camello, u kʼaxnakʼeʼ de kʼéewel;+ u yoʼoch kaʼacheʼ sáakʼ* yéetel u kaabil kʼáax.+ 5 Tu yiknaleʼ ku taal kaʼach tuláakal u kajnáaliloʼob Jerusalén yéetel Judea bey xan u kajnáaliloʼob le mejen kajtaliloʼob yanoʼob naatsʼ tiʼ le Río Jordánoʼ.+ 6 Juan túuneʼ ku tsʼáaik u yokjaʼob* teʼ Río Jordánoʼ,+ letiʼob xaneʼ ku yaʼalikoʼob u kʼebanoʼob.

7 Ka tu yilaj Juan táan u taal yaʼab fariseoʼob* yéetel saduceoʼob*+ teʼ tuʼux ku tsʼaa okjaʼoʼ, tu yaʼalajtiʼob: «U paalaleʼex kaan,+ ¿máax aʼalteʼex jeʼel u páajtal a púutsʼleʼex tiʼ u kʼiinil u pʼuʼujul Dios tsʼoʼok u náatsʼloʼ?+ 8 Teʼexeʼ unaj a weʼeskeʼex* tsʼoʼok a kʼexik a tuukuleʼex. 9 Mix a chéen máansik ta tuukuleʼex a waʼalikeʼex: ‹Toʼoneʼ k-taataeʼ Abrahán›.+ Tumen kin waʼalikteʼexeʼ Dioseʼ jeʼel u páajtal u líiʼsik u paalal Abrahán tiʼ le tuunichoʼobaʼ. 10 Le báatoʼ tsʼoʼok u tsʼaʼabal tu chuun le cheʼoboʼ. Le oʼolaleʼ tuláakal cheʼ maʼ tu tsʼáaik maʼalob icheʼ yaan u kúulchʼaktaʼal yéetel yaan u puʼulul ich kʼáakʼ.+ 11 Teneʼ kin tsʼáaik a wokjaʼex yéetel jaʼ tumen ka kʼexik a tuukuleʼex,+ baʼaleʼ le uláakʼ máax kun taaloʼ maas yaan u páajtalil ke teen, maʼ in náajaltmaj mix tak in luʼsik u xaanabiʼ.+ Letiʼeʼ yaan u tsʼáaik a wokjaʼex yéetel u espíritu santo Dios+ bey xan yéetel kʼáakʼ.+ 12 Letiʼeʼ u chʼaʼamaj junpʼéel nuʼukul utiaʼal u saltik le trigooʼ, yaan u láaj míistik u sojlil yéetel yaan u líiʼsik le trigo teʼ chʼiiloʼ, chéen baʼaleʼ le u sojliloʼ yaan u tóokik yéetel junpʼéel kʼáakʼ+ maʼ tu páajtal u tuʼupul».

13 Jesús túuneʼ lukʼ Galileaeʼ ka bin teʼ Jordán utiaʼal ka tsʼaʼabak u yokjaʼ tumen Juanoʼ.+ 14 Chéen baʼaleʼ Juaneʼ maʼ u kʼáat kaʼach u tsʼáa u yokjaʼiʼ, le oʼolal tu yaʼalajtiʼ: «Maʼ teen unaj in tsʼáaik a wokjaʼiʼ, baʼaxeʼ teech unaj a tsʼáaik in wokjaʼ». 15 Jesúseʼ tu núukajtiʼ: «Tsʼáa in wokjaʼ, tumen beyoʼ jeʼel u páajtal k-beetik tuláakal le baʼax u yaʼalmaj Diosoʼ». Juan túuneʼ tu tsʼáaj u yokjaʼ. 16 Ka tsʼoʼok u yokjaʼ Jesúseʼ jóokʼ tu séebaʼanil ichil le jaʼoʼ, teʼ súutukoʼ jeʼepaj le kaʼanoʼ+ ka tu yilaj* u yéemel u espíritu santo Dios bey juntúul paloma ku taal tu yóokʼol Jesúseʼ.+ 17 Teʼ kaʼan xanoʼ jóokʼ junpʼéel tʼaan+ táan u yaʼalik: «Lelaʼ in Hijo,+ jach in yaabiltmaj, letiʼeʼ jach ku beetik u kiʼimaktal in wóol».+