Proverbios
13 Le paal yaan u naʼatoʼ ku chaʼik u nuʼuktaʼal tumen u papá,+
pero le paal nojbaʼal u taaskubaoʼ* maʼatech u yuʼubik baʼax ku yaʼalaʼaltiʼ.*+
2 Le baʼax ku yaʼalik máakoʼ jeʼel u beetik u bin utsil tiʼeʼ,+
pero le traicioneroʼoboʼ chéen loob ku tsʼíiboltik u beetkoʼob.
3 Le máax ku kanáantik u chiʼeʼ* ku kanáantik u kuxtal,+
pero le máax maʼ tu kanáantik u chiʼeʼ yaan u bin kʼaasil tiʼ.+
5 Le utsul máakoʼ u pʼeek le tuusoʼ,+
pero le kʼasaʼan máakoʼoboʼ yoʼolal baʼax ku beetkoʼobeʼ ku pajik u suʼtaloʼob yéetel ku pʼáatloʼob ich suʼtsilil.
6 Le justiciaoʼ ku kanáantik le máax mix baʼal kʼaas ku beetkoʼ,+
pero le kʼasaʼaniloʼ ku beetik u bin kʼaasil tiʼ le máax ku kʼebantaloʼ.
7 Yaan máakeʼ ayikʼal u taaskuba, pero mix baʼal yaantiʼ.+
Yaan máakeʼ óotsil u taaskuba, pero jach ayikʼal.
8 Le ayikʼaliloʼ letiʼe baʼax salvartik u kuxtal máakoʼ,+
pero juntúul máax óotsileʼ mix tech u amenazartaʼal.+
9 Le sáasil ku taal tiʼ le utsul máakoʼoboʼ jach sáasil u juul,+
pero le sáasil ku taal tiʼ le kʼasaʼan máakoʼoboʼ yaan u tuʼupul.+
10 Le u taaskuba nojbaʼalil máakoʼ chéen ku beetik u yantal baʼateʼel,+
pero le naʼatoʼ utiaʼal le máaxoʼob ku kaxtikoʼob nuʼuktajoʼ.*+
11 Le ayikʼalil séebaʼan u náajaltaʼaloʼ* séebaʼan kun pʼíittal,+
pero le ayikʼalil jujunpʼíitil u juntartaʼaloʼ* yaan u yaʼabtal.
12 Le baʼax ku páaʼtaʼal maʼ tu jáan úuchloʼ ku kʼojaʼankúuntik u puksiʼikʼal máak,+
pero le u béeychajal le baʼax ku tsʼíiboltik máakoʼ bey junkúul cheʼ ku tsʼáaik kuxtaleʼ.+
13 Jeʼel máaxak maʼ tu yóotik u yuʼub baʼax ku yaʼalaʼaltiʼeʼ yaan u bin kʼaasil tiʼ,+
pero le máax ku beetik u cuentail le baʼax ku yaʼalaʼaltiʼoʼ yaan u bin utsil tiʼ.+
14 U kaʼansaj* le máaxoʼob yaan u naʼatoʼoboʼ bey u sayabil kuxtaleʼ,+
lelaʼ ku náachkuntik máak utiaʼal maʼ u léechtaʼal tumen le kíimiloʼ.
15 Le maʼalob naʼatoʼ ku beetik u lúubul utsil máak,
pero u beel le traicioneroʼoboʼ jach kʼaschajaʼan.
16 Le máax yaan u naʼatoʼ u yojel baʼax ku beetik,+
pero le j-maʼ naʼatoʼ tu juunal ku yeʼesik minaʼan u naʼat.+
17 Juntúul kʼasaʼan mensajeroeʼ ku taasik problemas,+
pero juntúul maʼalob mensajeroeʼ ku taasik utsil.+
18 Le máax maʼ tu chaʼik u nuʼuktaʼaleʼ yaan u yóotsiltal yéetel yaan u pʼáatal ich suʼtsilil,
pero le máax ku chaʼik u tsoʼolol u nuʼuk tiʼeʼ* yaan u nojbaʼalkúuntaʼal.+
19 Le tsʼíibolal ku béeytaloʼ chʼujuk u yuʼubik máak,+
pero le j-maʼ naʼatoʼoboʼ u pʼeek u náachtaloʼob tiʼ le baʼax kʼaasoʼ.+
20 Le máax ku máan yéetel máaxoʼob yaan u naʼatoʼobeʼ yaan u yantal u naʼat,+
pero le máax ku biskuba yéetel le j-maʼ naʼatoʼoboʼ yaan u bin kʼaasil tiʼ.+
21 Le máaxoʼob ku kʼebantaloʼoboʼ ku chʼaʼpachtaʼaloʼob tumen problemas,+
pero le utsul máakoʼoboʼ ku kʼamkoʼob maʼalob baʼaloʼob.+
22 Le utsul máakoʼ ku pʼatik herencia tiʼ u yáabiloʼob,
pero u ayikʼalil le máax ku kʼebantaloʼ yaan u líiʼsaʼal utiaʼal le máax toj u kuxtaloʼ.+
23 U luʼum le máax óotsiloʼ ku tsʼáaik yaʼab baʼal jaantbil,
pero jeʼel u míistaʼal tumen le injusticiaoʼ.