¿Baʼax ku yaʼalik le Biblia yoʼolal le baʼaloʼob ku káalkuntik máakoʼ?

Tiʼ tuláakal yóokʼol kaabeʼ yaʼab baʼax ku tuklik le máakoʼob yoʼolal le baʼaloʼob ku káalkuntik máakoʼ wa le alcoholoʼ. Yanoʼobeʼ suuk u yukʼikoʼob cada wa baʼax kʼiin yéetel u amigoʼob. Uláakʼoʼobeʼ junpuliʼ maʼ tu yukʼikoʼob mix baʼal yaan alcohol ichil. Yéetel uláakʼoʼobeʼ ku yukʼikoʼob hasta u káaltaloʼob. Pero, ¿baʼax ku yaʼalik le Biblia yoʼolal le baʼaloʼob ku káalkuntik máakoʼ?

1. ¿Kʼaas wa u yuʼukʼul baʼaloʼob yaan alcohol ichil?

Le Bibliaoʼ maʼatech u yaʼalik wa kʼaas u yuʼukʼul baʼaloʼob yaan alcohol ichil. Hasta ku yaʼalikeʼ le vinooʼ «ku kiʼimakkúuntik u yóol u puksiʼikʼal máak» (Salmo 104:14, 15). Tsʼoʼoleʼ le Bibliaoʼ ku tʼaan xan tiʼ xiiboʼob yéetel koʼoleloʼob tu meyajtoʼob Jéeoba tu yukʼoʼob baʼaloʼob yaan alcohol ichil (1 Timoteo 5:23).

2. ¿Baʼax ku yaʼalik le Biblia tiʼ le máaxoʼob ku yukʼikoʼob alcoholoʼ?

Jéeobaeʼ jach kʼaas u yilik u káaltal máak bey xan u píitmáan u yukʼik alcohol (Gálatas 5:21). Le Bibliaoʼ ku yaʼalik: «Maʼ a wantal ichil le máaxoʼob ku yukʼikoʼob yaʼab vinooʼ» (Proverbios 23:20). Le oʼolaleʼ wa k-chʼaʼtuklik k-ukʼik alcohol chéen t-juunal wa yéetel uláakʼ máakoʼobeʼ unaj k-ilik maʼ u píitmáan k-ukʼik. Tumen wa maʼeʼ jeʼel u saʼatal k-óoleʼ yéetel maʼ ken k-kanáant baʼax ken k-aʼale mix baʼax ken k-beete, tsʼoʼoleʼ jeʼel xan k-kʼojaʼantaleʼ. Le máax maʼ u yojel u tsʼáa u pʼiis bukaʼaj ken u yukʼeʼ maas maʼalob maʼ u yukʼik.

3. ¿Bix jeʼel k-respetartik baʼax ku chʼaʼtuklik u maasileʼ?

Cada juntúul unaj u chʼaʼtuklik wa yaan u yukʼik alcohol wa maʼ. Le oʼolal maʼ unaj k-aʼalik baʼal tiʼ máaxoʼob ku yukʼikoʼob junpʼíit alcoholiʼ yéetel maʼ unaj k-obligartik le máaxoʼob maʼ tu yukʼikoʼoboʼ (Romanos 14:10). Tsʼoʼoleʼ maʼ unaj k-ukʼik alcohol tu táan le máaxoʼob jelaʼan u yilkoʼob u yukʼik máakoʼ (xok Romanos 14:21). Le máax meyajtik Jéeobaoʼ maʼ tu «kaxtik chéen u yutsil, baʼaxeʼ u yutsil u yéet máakil» (xok 1 Corintios 10:23, 24).

UTIAʼAL A MAAS NAʼATIK

4. Ilawil wa yaan a wukʼik wa maʼ

¿Kʼaas wa u yilik kaʼach Jesús u yuʼukʼul baʼaloʼob ku káalkuntik máak? Utiaʼal k-ojéeltikeʼ koʼox ilik le yáax milagro tu beetoʼ. Xokeʼex Juan 2:1-11, kéen tsʼoʼokkeʼ ka tsikbaltikeʼex lelaʼ:

• Jeʼex u yeʼesik le tekstooʼ, ¿kʼaas wa u yilik kaʼach Jesús u yuʼukʼul alcohol? ¿Baʼax ku tuklik yoʼolal le máaxoʼob ukʼikoʼ?

• Jesúseʼ maʼ kʼaas kaʼach u yilik u yuʼukʼul alcoholiʼ. Kux túun le máaxoʼob meyajtik Jéeobaoʼ, ¿bix unaj u yilkoʼob le máax ku yukʼik junpʼíit alcoholoʼ?

Wa maʼ kʼaas u yuʼukʼul alcoholeʼ, ¿jeʼel wa túun u páajtal u yukʼik máak tiʼ jeʼel baʼalak súutukileʼ? Xokeʼex Proverbios 22:3, kéen tsʼoʼokkeʼ ka tsikbaltikeʼex wa maʼalob ka u yukʼ máak alcohol teʼ súutukiloʼobaʼ:

• Wa yaan u manejartik u coche wa jeʼel baʼalak clase maquinaeʼ.

• Wa embarazada.

• Wa aʼalaʼantiʼ tumen le doctor maʼ u yukʼik mix baʼal yaan alcohol ichiloʼ.

• Wa maʼ u yojel u tsʼáa u pʼiis bukaʼaj ken u yukʼiʼ.

• Wa prohibirtaʼan tumen le autoridadoʼoboʼ.

• Wa tiaʼan yéetel máax u chʼaʼtukultmaj maʼ u yukʼik alcohol tumen kaʼacheʼ jach ku píitmáan u yukʼik.

¿Maʼalob wa ka tʼoʼoxok alcohol tiʼ junpʼéel boda wa tiʼ uláakʼ wa baʼax fiestaileʼ? Utiaʼal a wilik baʼax unaj a chʼaʼik en cuentaeʼ, chaʼanteʼex le VIDEOOʼ.

VIDEO: ¿Unaj wa in tʼoxik baʼaloʼob ku káalkunajoʼob? (2:41)

Xokeʼex Romanos 13:13 yéetel 1 Corintios 10:31, 32. Kéen tsʼoʼokok a xokikeʼex cada tekstoeʼ ka tsikbaltikeʼex lelaʼ:

• Le tekstoaʼ, ¿bix jeʼel u yáantkech utiaʼal a chʼaʼtuklik junpʼéel baʼal uts tu tʼaan Jéeobaeʼ?

5. Ilawil bukaʼaj ken a wukʼiʼ

Wa yaan a wukʼik alcohol wa cervezaeʼ kʼaʼajaktecheʼ kex Jéeoba maʼ kʼaas u yilkeʼ u pʼeek u píitmáan u yukʼik máak. ¿Baʼaxten? Xokeʼex Oseas 4:11, 18, kéen tsʼoʼokkeʼ ka tsikbaltikeʼex lelaʼ:

• ¿Baʼax jeʼel u yúuchul wa ku píitmáan u yukʼik máakeʼ?

¿Baʼax jeʼel u yáantik máak utiaʼal maʼ u píitmáan u kʼabeʼ? Kʼaʼabéet u tsʼáaik u pʼiis tiʼ le bukaʼaj ken u yukʼoʼ. Xokeʼex Proverbios 11:2, kéen tsʼoʼokkeʼ ka tsikbaltikeʼex lelaʼ:

• ¿Baʼaxten maʼalob ka u tsʼáa u pʼiis máak tiʼ le bukaʼaj ken u yukʼoʼ?

6. Púutsʼkech tiʼ le alcoholoʼ

VIDEO: «Káaj in pʼektik le kuxtal kin bisik kaʼachoʼ» (6:32)

• ¿Bix u modos Dmitry kéen káalak kaʼachi?

• ¿Chéen chʼaʼabil wa tu pʼatil u káaltal?

• ¿Baʼax áant Dmitry utiaʼal u xuʼulul u káaltal?

Xokeʼex 1 Corintios 6:10, 11, kéen tsʼoʼokkeʼ ka tsikbaltikeʼex lelaʼ:

• ¿Jach wa kʼaas u káaltal máak? ¿Baʼaxten?

• ¿Bix k-ojéeltik jeʼel u páajtal u kʼexik u kuxtal juntúul máak jach suuk u káaltaleʼ?

Xokeʼex Mateo 5:30, kéen tsʼoʼokkeʼ ka tsikbaltikeʼex lelaʼ:

• Le ka tu yaʼalaj Jesús kʼaʼabéet u xotʼik u kʼab máakeʼ tu tsʼáaj naʼatbileʼ utiaʼal u lúubul utsil máak tu táan Dioseʼ kʼaʼabéet u beetik wa baʼax. Wa táan a wilik u xuʼulul a káaltaleʼ, ¿baʼax jeʼel u páajtal a beetik utiaʼal a pʼatkeʼ?a

Xokeʼex 1 Corintios 15:33, kéen tsʼoʼokkeʼ ka tsikbaltikeʼex lelaʼ:

• ¿Baʼax jeʼel u yúuchul wa ka biskaba yéetel máaxoʼob suuk u káaltaloʼobeʼ?

BAʼAX TSOʼOLI

Jéeobaeʼ u tsʼaamaj le baʼaloʼob ku káalkunajoʼob utiaʼal u kiʼimaktal u yóol máakoʼ. Chéen baʼaleʼ jach u pʼeek u káaltal máak yéetel u píitmáan u yukʼik.

Baʼax ta kanaj

• ¿Baʼax ku yaʼalik le Biblia yoʼolal le baʼaloʼob yaan alcohol ichiloʼ?

• ¿Bix u bin tiʼ máak wa ku píitmáan u yukʼik?

• ¿Bix jeʼel k-respetartik baʼax ku chʼaʼtuklik u maasil yoʼolal le baʼaxoʼob yaan alcohol ichiloʼ?

KAN U MAASIL

¿Baʼax unaj u chʼaʼik en cuenta le táankelem paalaloʼob utiaʼal u yilkoʼob wa yaan u yukʼikoʼob cerveza wa uláakʼ baʼaloʼob ku káalkunajoʼob?

Maʼ u píitmáan a wukʼik (2:31)

Ilawil baʼax jeʼel u yáantkech utiaʼal maʼ u píitmáan a wukʼikeʼ.

«Baʼax jeʼel u yáantkech a tsʼáa u pʼiis a wukʼikeʼ» (U Pʼíich Tulumil Kanan, 1 tiʼ julio tiʼ 2010)

¿Maʼalob wa ka brindarnak le máaxoʼob meyajtik Diosoʼ?

«Kʼáatchiʼob ku beetaʼal» (U Pʼíich Tulumil Kanan, 15 tiʼ febrero tiʼ 2007)

Le xook «Jach yaʼab in wukʼik kaʼachi» ku yeʼesik bix úuchik u xuʼulul u káaltal juntúul máak.

«Kʼeʼex u kuxtaloʼob tumen le Bibliaoʼ» (U xookil U Pʼíich Tulumil Kanan)