你记唔记得？

你有冇仔细读过最近几期《守望台》嘅内容呢？睇吓答唔答到以下嘅问题：

有边四个方法可以改善我哋嘅歌喉？

我哋可以举高歌书，保持正确嘅姿势，亦都需要适当噉呼吸。我哋唱歌嗰阵掰大啲个口就可以唱得更大声。——《守》17.11刊5页

以色列嘅庇护城位置适中、道路畅顺，我哋从中学到乜嘢？

六个庇护城位于以色列唔同嘅地方，通往庇护城嘅道路亦都保持畅顺。噉样，误杀者就可以更加快速、容易噉寻得庇护。——《守》17.11刊14页

点解耶和华通过耶稣赐下嘅赎价系佢俾我哋嘅最好礼物？

我哋好想永远活着，亦都渴望摆脱罪同死亡。赎价呢份礼物可以满足呢啲愿望。耶和华好爱亚当嘅后代，所以喺我哋仲系罪人嘅时候就为我哋献出耶稣嘅生命作为赎价。——《守众》17.6期6-7页

诗篇118:22点样预告耶稣嘅复活？

以色列人唔承认耶稣就系弥赛亚，并将佢杀害。耶稣要成为“房角石”，就必须要被复活。——《守》17.12刊9-10页

弥赛亚嘅所有祖先系咪一定要系头生子？

弥赛亚有啲祖先的确系头生子，不过唔系全部都系。大卫系弥赛亚嘅祖先，但佢唔系耶西嘅头生子。——《守》17.12刊14-15页

圣经入面记载咗边啲医学知识？

摩西律法规定，患咗某种疾病嘅人须要被隔离；人接触尸体后必须洗手；排泄物要处理妥当；男婴要喺第八日受割礼，因为婴儿出生一周之后，血液凝结能力先至会达到理想嘅水平。——《守众》18.1刊7页

点解一个基督徒适当噉爱自己系冇错嘅？

我哋要爱人如己。（马可福音12:31）“丈夫应该爱妻子，好似爱自己嘅身体。”（以弗所书5:28）不过，对自己嘅爱可能会被扭曲。——《守》18.01刊23页

你点样做就可以喺属灵上进步？

我哋需要用心研读并沉思上帝嘅话语，尽快将学到嘅应用出嚟，接受耶和华圣灵嘅指引，同埋乐于接受其他人嘅帮助。——《守》18.02刊26页

点解我哋唔应该通过占卜同占星术预知未来？

原因有好几个，不过主要系因为圣经谴责呢两种做法。——《守众》18.2刊4-5页

我哋接受咗邀请就应该谨记乜嘢？

我哋接受咗一个邀请就应该守约。（诗篇15:4）我哋唔应该随便取消，因为主人可能为此作咗好多准备。——《守》18.03刊18页

受委任嘅弟兄可以点样向提摩太学习？

提摩太真心关怀他人，佢最关注嘅系属灵嘅事；佢努力从事神圣服务并学以致用；佢不断训练自己，倚靠上帝嘅圣灵。长老同其他人都应该效法佢嘅榜样。——《守》18.04刊13-14页