点样从圣经研读 得到更多益处同喜乐

约书亚接受咗一个艰巨嘅任务，就系要带领以色列人进入应许之地。虽然佢面对重重困难，不过耶和华保证佢会成功，亦都鼓励佢话：“你务要鼓起勇气，坚强不屈，切实遵守我……嘅一切律法，……你要日夜低声细读，使你谨慎遵行书上所写嘅一切话。噉样，你嘅道路就一定亨通，你一定能够明智行事。”（约书亚记1:7,8）

喺呢个“难以应付嘅非常时期”，我哋同样都要面对好多困难。（提摩太后书3:1）我哋听从耶和华俾约书亚嘅吩咐，就可以好似约书亚噉取得成功。我哋要经常研读圣经，实践当中嘅原则嚟应付各种考验。

研读圣经好重要。如果你唔知点样研读或者唔系咁钟意研读，请睇吓附栏“试吓呢啲建议”。当中有一啲好嘅方法，可以帮助你从研读得到更多益处同喜乐。

诗篇执笔者话：“求你使我踏上你诫命所定嘅路，因为呢个系我所喜欢嘅。”（诗篇119:35）沉思上帝嘅话语可以令你得到好大嘅喜乐。只要你努力挖掘，就可以从呢啲属灵宝藏当中挖出宝石。

虽然你唔使好似约书亚噉带领一个国族，不过你都要面对自己嘅难题。所以，要效法约书亚努力研读并遵从上帝嘅话语。噉样，你就可以明智行事，得到成功。