喺中非共和国嘅建筑工作

离开海地之后，我被委派去中非共和国做海外传道员。我后来有殊荣从事探访工作，之后又成为分部监督。

喺嗰时，好多王国聚会所都非常简陋。我学习点样喺灌木丛收集茅草搭屋顶。因为我系个新手，好多经过嘅人，见到我鸡手鸭脚嘅样，就好好奇噉望住我。不过，当地嘅弟兄姊妹见到我咁落力就受到鼓励，更积极噉建造同维修佢哋自己嘅王国聚会所。当地嘅宗教领袖嘲笑我哋，因为佢哋用铁皮嚟整教堂嘅屋顶，而我哋就只系用茅草。我哋冇受影响，继续使用我哋嘅聚会所。后来，一场暴风雨袭击首都班吉嘅时候，佢哋就笑唔出嘞。佢哋嘅铁皮屋顶俾暴风雨吹咗落街，而我哋聚会所嘅茅草屋顶就安然无恙。为咗更好噉督导王国传道工作，我哋喺短短嘅5个月内，就起好一个新嘅分部同海外传道员之家。d

婚姻生活——一个热心嘅同伴

1976年中非共和国禁止我哋嘅传道工作。我被委派到乍得嘅首都恩贾梅纳。

大约两年之后，中非共和国撤销对见证人嘅禁制令，于是我哋返去嗰度从事探访工作。我哋嘅屋企系一部车，入面有张折叠床，一个可以装200升（53加仑）水嘅桶，一个冰箱同一个煤气炉。探访嘅旅途一啲都唔容易。有一次，我哋途中至少喺117个关卡俾警察截停检查。

当地嘅气温经常高达摄氏50度（华氏122度）。大会嗰阵，有时好难有足够嘅水施行浸礼。所以，弟兄要挖开干咗嘅河床，将揾到嘅水逐啲逐啲收集喺个大桶度。好多时，新人就系喺桶入面受浸嘅。