1976年中非共和国禁止我哋嘅传道工作。我被委派到乍得嘅首都恩贾梅纳。喺嗰度，我遇到夏佩。佢系一个好热心嘅特别先驱，嚟自喀麦隆。我哋喺1978年4月1日结婚。同一个月，内战爆发。我哋同好多人一样逃去乍得南部。战争结束之后，我哋返翻屋企，发现嗰度已经成为一个武装组织嘅指挥部。我哋唔单止冇晒啲杂志，连婚纱同结婚礼物都冇埋。不过，我哋并冇灰心沮丧，因为我哋有嘅系一生嘅伴侣，亦都有更多嘅工作要做。