我哋可以送乜嘢俾耶和华？

耶稣曾经讲过，“施与比接受更快乐”。（使徒行传20:35）喺我哋同耶和华嘅关系方面，呢个基本嘅圣经真理都同样适用。点解噉讲？虽然耶和华送咗好多礼物俾我哋，使我哋感到快乐，但系我哋送礼物俾耶和华可以使自己更加快乐。我哋可以送乜嘢礼物俾耶和华呢？箴言3:9话：“要用你宝贵嘅资产……尊崇耶和华”。我哋“宝贵嘅资产”包括我哋嘅时间、才干、精力同物质资财。我哋用自己嘅资产嚟支持正确嘅崇拜，就系送礼物俾耶和华，亦都为自己带嚟好大嘅快乐。

保罗劝哥林多嘅基督徒“拨出一啲钱”嚟作捐献。（哥林多前书16:2）呢个圣经记载帮助我哋谨记，将物质资财作为礼物送俾耶和华系好重要嘅。如果你想了解更多关于喺自己嘅地区可以点样作出捐献嘅信息，请睇以下嘅资料。

唔系所有国家地区都可以喺网上捐款。不过，你可以喺捐款嘅网页上揾到其他捐款方式嘅资讯。喺某啲国家嘅捐款网页上，附有关于捐款安排嘅说明。