9-11．（甲）喺希腊，耶和华嘅子民曾经点样争取聚集起嚟崇拜上帝嘅自由？（乙）结果点样？

⁹ 希腊 1983年，蒂托斯·马努萨基斯喺克里特嘅伊拉克利翁租咗一间房，用嚟俾一小群耶和华见证人举行聚会。（希伯来书10:24,25）冇几耐，东正教教士向警察控告耶和华见证人，反对佢哋用嗰个地方嚟从事崇拜活动。理由系咩呢？理由只系耶和华见证人嘅信仰同东正教唔一样！司法机构对蒂托斯·马努萨基斯同另外三个当地嘅耶和华见证人提起刑事诉讼。佢哋被判罚款同埋入狱两个月。作为上帝王国嘅忠贞子民，佢哋认为法院嘅裁决侵犯咗佢哋嘅崇拜自由。所以佢哋向法院上诉，最后上诉到欧洲人权法院。

¹⁰ 1996年，欧洲人权法院作出一项判决，令反对正确宗教嘅人觉得好意外。法院表示，“耶和华见证人属于希腊法律之下‘国家承认嘅宗教’”，希腊法院嘅裁决“直接影响申诉人嘅宗教自由”。欧洲人权法院进一步指出，希腊政府冇权“决定某种宗教信仰或者表达信仰嘅方式系咪合法”。呢项裁决撤销咗对耶和华见证人嘅刑罚，维护咗我哋嘅宗教自由。