请睇吓耶稣点样回答几位使徒嘅问题。佢哋嚟问耶稣：“你嘅临在同呢个制度嘅末期，有咩征象呢？”耶稣话俾佢哋知，末世征象嘅一个特点系全球性嘅传道工作。耶稣指嘅系咪帮助人成为基督徒嘅工作呢？唔系。耶稣讲：“呢个王国嘅好消息会传遍普天下，对所有国族作见证”。（马太福音24:3,14）所以，传讲上帝嘅王国，就系撒播王国真理嘅种子，系末世征象嘅一个特点。我哋传讲王国嘅好消息嗰时，应该谨记，就算自己仲未帮到其他人成为基督徒，亦都已经同对方做咗见证嘞。d无论其他人有乜嘢反应，我哋有份应验耶稣嘅预言，亦都有荣幸做“上帝嘅同工”，真系值得开心啊！（哥林多前书3:9）