16．（甲）长老有乜嘢责任？（乙）耶稣吩咐门徒“要牧养我嘅小绵羊”，圣经研究者点样睇呢个吩咐？

¹⁶ 早喺圣经研究者嘅日子，长老已经明白到自己有责任帮助羊群继续事奉上帝。（请读加拉太书6:10）1908年，英语版《守望台》有一篇文章论述耶稣吩咐门徒“要牧养我嘅小绵羊”。（约翰福音21:15-17）文章对长老讲：“主吩咐我哋牧养佢嘅羊群，我哋应该将呢个吩咐放喺心上，亦都应该将喂养同照顾羊群嘅责任睇成系殊荣。噉样做非常重要。”1925年，英语版《守望台》再次强调长老一定要负起牧人嘅责任。文章提醒长老：“教会系属于上帝嘅……凡系有荣幸为弟兄服务嘅，都要向上帝负责。”