9,10．我哋可以点样效法挪亚嘅信心？

⁹ 我哋点样培养挪亚噉嘅信心。关键系要研读上帝嘅话语，认真沉思学到嘅知识，而且用呢啲知识嚟塑造同指引自己。（彼得前书1:13-15）噉样，信心同上帝嘅智慧就会保护我哋，使我哋避开撒但嘅诡计，免受世界邪恶精神嘅影响。（哥林多后书2:11）世界嘅精神会助长暴力同不道德嘅行为，使人专注于肉体嘅欲望。（约翰一书2:15,16）呢种精神甚至会使灵性软弱嘅基督徒无视上帝大日子嘅临近。请留意，耶稣将我哋而家呢个时代同挪亚嘅时代做对比嗰时，佢特别想我哋留意嘅系，对属灵嘅事漠不关心嘅态度所带嚟嘅危险，而唔系暴力同不道德嘅行为。（请读马太福音24:36-39）

15．我哋可以点样培养但以理噉嘅信心？

¹⁵ 点样培养但以理噉嘅信心。强化信心嘅关键唔系只系阅读圣经，而系要真正“明白”上帝嘅话语。（马太福音13:23）我哋想用耶和华嘅观点嚟睇问题，就要透彻理解圣经嘅原则。所以，我哋要沉思读过嘅内容。经常衷心祷告亦都非常重要，特别系我哋面对患难同挑战嘅时候。如果我哋满怀信心向耶和华祷告求取智慧同力量，佢就会慷慨噉将我哋所求嘅赐俾我哋。（雅各书1:5）

20．认识耶和华同佢嘅标准点样帮助我哋选择有益嘅交往同娱乐？

²⁰ 我哋点样培养约伯噉嘅信心。关键同样系要对耶和华有正确嘅认识，而且根据确切嘅知识嚟指引自己生活嘅方方面面。诗篇执笔者大卫提到，“凡喜爱暴力嘅人，［耶和华］必恨恶”，佢亦都提醒人唔好同“狡诈嘅人”交往。（请读诗篇11:5；26:4）呢啲经文点样帮助你清楚明白上帝嘅观点？喺娱乐交往同使用互联网方面，上帝嘅观点点样帮助你作出明智嘅选择？你嘅答案可以帮助你睇出自己对耶和华嘅认识有几深。如果我哋唔想受到今日呢个又复杂又邪恶嘅世界影响，就一定要锻炼自己嘅辨识力，学识辨别是非对错，分辨智慧同愚昧。（希伯来书5:14；以弗所书5:15）