• 一心拥护上帝嘅政府
    上帝嘅王国统治嘞！

    • 6．你从赫伯特·西尼尔嘅例子学到乜嘢？

      6 有啲弟兄了解到应该采取咩立场，佢哋决定点都唔服兵役。前面提过嘅赫伯特·西尼尔话：“我认为，将弹药喺船上搬落嚟［非战斗性嘅工作］同上子弹冇咩分别。”（路加福音16:10）赫伯特因为良心拒绝服兵役，结果要坐监。佢同另外四个弟兄一齐韫咗喺英国嘅里士满监狱，嗰度一共有16个依良心拒服兵役嘅人，包括其他教派嘅信徒。呢啲人后来被称为“里士满十六杰”。赫伯特同其他拒绝服兵役嘅人俾人秘密送到法国前线，喺嗰度被判枪决。当佢哋排成一排准备牺牲嗰阵，行刑队冇开枪，军方仲下令将佢哋嘅刑罚减为10年有期徒刑。