1,2． 选择人生目标嗰时，点解听从创造主嘅指引系明智嘅？（请睇吓课文开头嘅图片）

如果你系一个年轻人，关于你嘅将来，可能其他人俾咗你好多建议。学校嘅老师、辅导员或者其他人，可能鼓励你追求高等教育同高收入嘅职业。不过，耶和华建议你选择另一个方向。当然，耶和华希望你喺学校努力学习，等你毕业之后有能力维持生活。（歌罗西书3:23）佢亦都知道，作为年轻人，你需要作一啲重要嘅决定，而呢啲决定会影响你嘅将来。所以，耶和华为你提供一啲原则作为指引，帮助你喺呢段最后嘅日子能够以佢悦纳嘅方式生活。（马太福音24:14）

² 请谨记，耶和华了解一切。佢知道呢个世界将来会点样，亦都知道呢个事物制度仲有几耐就会结束。（以赛亚书46:10；马太福音24:3,36）耶和华了解我哋，知道乜嘢会为我哋带嚟真正嘅快乐同满足，亦都知道乜嘢会使我哋伤心同失望。所以，就算其他人嘅建议听起嚟好合理，但系冇上帝嘅话语作为基础嘅话，就唔会有真正嘅智慧。（箴言19:21）

“同耶和华对立，就毫无智慧”

3,4． 亚当夏娃听从错误嘅建议，对佢哋以及后代造成乜嘢影响？

³ 喺人类历史初期，撒但就向人类提出咗错误嘅建议。佢话俾夏娃知，如果夏娃同亚当自行决定自己嘅人生，佢哋就会更加快乐。（创世记3:1-6）其实，撒但噉样讲系出于自私嘅动机。佢想亚当夏娃同佢哋嘅子孙后代，都服从并崇拜佢而唔系耶和华。不过，撒但为佢哋做过啲乜嘢呢？佢哋拥有嘅一切，包括美丽嘅家园、完美嘅身体同埋可以永远享有嘅美好生活，都系耶和华赐俾佢哋嘅。

⁴ 可悲嘅系，亚当同夏娃背叛上帝，同赐佢哋生命嘅上帝断绝关系。正如花朵被剪落嚟之后会慢慢凋谢，佢哋亦都逐渐衰老，最后死去。佢哋嘅后代亦因为遗传嘅罪而受苦。（罗马书5:12）即使系噉，大部分人仲系选择唔服从上帝，按照自己嘅方式生活。（以弗所书2:1-3）结果清楚表明，“只要同耶和华对立，就毫无智慧……可言”。（箴言21:30）

5． 上帝对佢所创造嘅人类怀有点样嘅信心？呢种信心系咪合理嘅呢？

⁵ 不过耶和华知道有啲人会寻求同埋事奉佢，当中包括好多优秀嘅年轻人。（诗篇103:17,18；110:3）呢啲年轻人对耶和华嚟讲非常宝贵！你系咪其中一个呢？如果系嘅话，你而家肯定得到好多嚟自上帝嘅“美物”，而呢啲福分使你生活得更加快乐。（请读诗篇103:5；箴言10:22）呢篇课文会讨论其中一啲“美物”，分别系丰富而又优质嘅灵粮、最好嘅朋友、有价值嘅目标同埋真正嘅自由。

耶和华满足你嘅属灵需要

6． 点解你应该照顾自己嘅属灵需要？耶和华提供乜嘢嚟帮助你满足呢种需要？

⁶ 同动物唔一样，你有属灵嘅需要。只有你嘅创造主先至可以满足你呢种需要。（马太福音4:4）如果你怀住感激之心听从佢，佢就会赐你洞察力、智慧，使你幸福快乐。耶稣话：“自觉有属灵需要嘅人有福嘞，因为天上嘅王国系佢哋嘅。”（马太福音5:3）上帝赐圣经俾你，亦都通过“忠信睿智嘅奴隶”提供灵粮嚟满足你嘅属灵需要。（马太福音24:45）呢啲属灵食物的确种类多样，丰富多彩！（以赛亚书65:13,14）

7． 吸收上帝提供嘅灵粮可以使你点样得益？

⁷ 上帝提供嘅灵粮会使你获得智慧，帮助你培养思考力，噉你喺好多方面就可以作出明智嘅决定，从而得到保护。（请读箴言2:10-14）智慧同思考力帮助你睇出边啲系错误嘅道理，例如无神论、只有金钱财富先至能够令人幸福快乐嘅观点。智慧同思考力亦都帮助你抵抗错误嘅欲望，避免一啲伤害自己嘅行为习惯。所以，要尽己所能寻求上帝嘅智慧，培养思考嘅能力。通过呢啲宝贵嘅恩赐，你就可以亲身体验到耶和华有几爱你，好想将最好嘅送俾你。（诗篇34:8；以赛亚书48:17,18）

8． 点解你而家就应该亲近上帝？同上帝亲近点样为你嘅未来带嚟益处？

⁸ 好快，撒但世界嘅每个部分都会彻底被毁灭。到时，只有耶和华先至能够保护我哋，为我哋提供生活所需。可能有一日我哋要倚靠佢先至有下一餐饭食。（哈巴谷书3:2,12-19）所以，你而家就要亲近你嘅天父耶和华，强化对佢嘅信心。（彼得后书2:9）噉样，无论发生乜嘢事，你都会有诗篇执笔者大卫一样嘅感觉，佢话：“我时刻睇耶和华如在面前。因为佢喺我右边，我就必不动摇。”（诗篇16:8）

耶和华俾你最好嘅朋友

9． （甲）约翰福音6:44话，耶和华会点样做？（乙）认识其他见证人同认识一般人有乜嘢唔同？

⁹ 假如有个唔认识真理嘅人，你同佢只系见过一次面，你对佢嘅了解会有几深呢？你可能知道佢个名，个样系点嘅，而其他方面就唔系咁清楚嘞。不过，你新认识一个信徒同工嘅情况就会好唔一样。你知道佢爱耶和华，亦都知道耶和华睇出佢系一个诚心正意嘅人，所以邀请佢成为属灵大家庭嘅一分子。（请读约翰福音6:44）无论呢个同工嚟自边度或者成长背景系点嘅，你喺好多方面已经了解佢，而佢亦都一样了解你！

10,11． 耶和华嘅子民有乜嘢共通点？呢啲共通点为我哋带嚟乜嘢益处？

¹⁰ 就算你同另一个见证人讲嘅语言唔一样，但系你哋肯定都识得“纯洁嘅语言”。（西番雅书3:9）你哋都相信上帝，按照同样嘅道德标准生活，对未来有同样嘅希望。由于喺好多重要嘅事上都有共通点，所以你哋好容易就能够互相信任，有稳固嘅基础可以成为永远嘅朋友。

¹¹ 你事奉耶和华，噉你喺世界各地都会有最好嘅朋友，噉样讲一啲都唔夸张。只系你未有机会识晒佢哋！除咗耶和华嘅子民之外，仲有边啲人可以享有呢份咁宝贵嘅恩赐呢？

耶和华俾你有价值嘅目标

12． 你可以为自己定立乜嘢属灵目标？

¹² 请读传道书11:9－12:1。你有冇一啲属灵目标呢？你系咪正努力达成呢啲目标？你可能每日努力读圣经，或者努力提升自己讲话同教导嘅能力。如果你自己留意到又或者有人话俾你知你有进步，嗰阵时你有乜嘢感觉呢？你肯定觉得好开心，好有成就感。因为你效法耶稣，将上帝嘅旨意放喺首位。（诗篇40:8；箴言27:11）

13． 点解事奉上帝比追求世俗嘅目标更加好？

¹³ 如果你专心事奉耶和华，你所做嘅工作就会使你心满意足，亦都令你嘅人生充满意义。使徒保罗话：“你哋要坚定不移，时刻多做主嘅工作，因为知道你哋嘅劳苦对佢嚟讲唔系枉然嘅。”（哥林多前书15:58）如果人一心追求世俗嘅目标，就算佢名成利就，都唔会有真正嘅快乐。（路加福音9:25）所罗门王通过自身嘅经历向我哋证实咗呢一点。（罗马书15:4）

14． 你从所罗门嘅经历学到乜嘢？

¹⁴ 所罗门系世上其中一个最富有同最有权势嘅人，佢曾经做过一个试验。佢同自己讲：“嚟喇，等我用欢乐试试你，你都嚟享享福。”（传道书2:1-10）于是，所罗门建造豪华嘅房屋，精心设计园林，又随心所欲做自己想做嘅事。佢有冇感到满足同快乐呢？我哋唔需要估，因为所罗门已经话咗俾我哋知。佢话：“后来我谂翻我手所做嘅一切事，……谂唔到，一切尽都空虚，……毫无益处。”（传道书2:11）你有冇从所罗门嘅经历学到教训，并且谨记在心？

15． 点解信心好重要？根据诗篇32:8，信心带嚟乜嘢益处？

¹⁵ 有啲人犯错而遭受恶果之后先至学到教训，不过耶和华唔想你受苦。如果你有信心，就会乐意服从耶和华，将佢嘅旨意放喺生活首位。呢种信心系无价嘅，绝对唔会令你失望。冇错，耶和华绝对唔会忘记“你哋为佢嘅名所显嘅爱心”。（希伯来书6:10）所以，请努力培养坚强嘅信心，噉你就可以睇出，天父的确系为你最大嘅益处着想。（请读诗篇32:8）

耶和华使你有真正嘅自由

16． 点解我哋应该珍视并明智噉运用自由？

¹⁶ 保罗话：“耶和华嘅灵喺边度，边度就有自由。”（哥林多后书3:17）冇错，耶和华喜爱自由，佢创造人类嘅时候亦都将呢种对自由嘅爱放喺每个人嘅心入面。同时，佢希望你明智噉运用自己嘅自由嚟保护自己。可能你知道有啲年轻人睇色情资讯、有性不道德嘅行为、参与危险嘅运动，或者滥用药物同酒精。可以肯定嘅系，佢哋享受到嘅兴奋或者快感只系一时嘅，而通常就要付出沉重嘅代价，可能系染上疾病、对药物或者酒精上瘾，甚至失去生命。（加拉太书6:7,8）佢哋以为自己有“自由”，其实只不过系残忍噉伤害自己。（提多书3:3）

17,18． （甲）服从上帝点样使我哋有真正嘅自由？（乙）亚当同夏娃犯罪之前喺边方面比今日嘅人有更多自由？

¹⁷ 相比之下，你知道有几多人因为遵守圣经嘅标准而患病？显然，服从上帝有益身心健康，又可以得到真正嘅自由。（诗篇19:7-11）如果你喺上帝嘅完美律法同原则之下明智噉运用你嘅自由，就可以向上帝同父母表明自己系一个有责任感嘅人。你嘅父母可能会更加信任你，俾你更多自由。其实上帝嘅旨意就系，喺不久嘅将来赐完美嘅自由俾佢嘅忠仆。圣经将呢个描述为“上帝儿女荣耀嘅自由”。（罗马书8:21）

¹⁸ 亚当同夏娃体验过呢种自由。上帝喺伊甸园俾咗几多条诫命嚟限制佢哋呢？只系得一条，就系佢哋唔可以食一棵树嘅果。（创世记2:9,17）你会唔会认为呢条唯一嘅诫命好唔合理或者系一种压迫呢？当然唔会！请谂吓人类制订咗几多法律条文并强迫其他人服从，而耶和华只系俾咗亚当同夏娃一条诫命。

19． 为咗帮助我哋得到自由，耶和华同耶稣教导我哋乜嘢？

¹⁹ 耶和华对待我哋嘅方式确实好有智慧。佢冇俾我哋好多律法，而系耐心教导我哋遵从爱嘅律法。佢希望我哋憎恨恶事，喺生活上运用圣经原则。（罗马书12:9）耶稣通过登山宝训，帮助我哋了解人做坏事嘅根本原因。（马太福音5:27,28）喺新世界，君王耶稣会继续教导我哋，帮助我哋好似佢一样喜爱正义，憎恨不法。（希伯来书1:9）佢亦都会使我哋有完美嘅身心。到时，你唔会再受到引诱而犯错，亦唔会因为唔完美而受苦。最终，你会享有耶和华应许嘅“荣耀嘅自由”。

20． （甲）耶和华点样运用佢嘅自由？（乙）我哋可以点样效法耶和华？

²⁰ 当然，我哋享有嘅自由唔系毫无限制嘅。我哋做事嘅动机都应该系爱上帝同爱其他人。其实，耶和华只系要求我哋效法佢。即使佢拥有绝对嘅自由，佢都仲系以爱心对待佢创造嘅众生。（约翰一书4:7,8）所以，我哋效法上帝先至可以有真正嘅自由。

21． （甲）大卫对耶和华有点样嘅感觉？（乙）下一篇课文会讨论乜嘢？

²¹ 耶和华赐俾你丰富嘅灵粮、最好嘅朋友、有价值嘅目标同埋完美而又自由嘅未来。你有冇感激耶和华赐俾你咁多“美物”？（诗篇103:5）如果你对耶和华心怀感激，可能就会有大卫一样嘅感觉。佢喺诗篇16:11话：“你必定使我认识生命之路。喺你面前，有使人满足嘅欢欣；喺你右手里面，永远有可喜嘅福乐。”下一篇课文会分析诗篇第16篇入面一啲特别嘅属灵宝石，可以帮助你睇出点样先可以过真正心满意足嘅生活。

1,2． 托尼嘅经历点样表明一个人嘅生活系可以改变过嚟嘅？

托尼自细就冇爸爸。佢系一个高中生，唔钟意返学。佢想离开学校，冇谂住毕业。周末，托尼会去睇电影或者同朋友一齐消磨时间。佢唔系一个钟意暴力嘅人，亦冇滥用药物。佢只不过系冇人生目标，对上帝嘅存在有所质疑。后来，佢遇到一对见证人夫妇，将自己内心嘅疑问话俾佢哋知。佢哋俾咗佢两本册子，一本系《生命的起源——值得思考的五个问题》，一本系《生命来自创造吗？》。

² 呢对夫妇第二次探访托尼嘅时候，托尼嘅谂法完全改变晒。由于佢睇完又睇，所以嗰两本册子变得好残旧。佢话：“一定有一个上帝。”佢接受咗学习圣经嘅安排，之后佢嘅人生观逐渐改变。原本佢唔系咁钟意读书，不过后来就成为学校其中一个最优秀嘅学生。校长知道托尼嘅新信仰之后觉得好惊讶，佢话：“你嘅态度同成绩都有好大进步，系咪因为你同耶和华见证人来往呢？”托尼话“系”，然后就同校长分享自己从圣经学到嘅嘢。托尼顺利从高中毕业，而家系正规先驱同助理仆人。佢好开心自己有一个无与伦比嘅爸爸，就系耶和华。（诗篇68:5）

服从耶和华，你就会成功

3． 耶和华向年轻人提出乜嘢建议？

³ 托尼嘅经历提醒我哋，耶和华确实好关心年轻人。佢好想你得到真正嘅成功，过心满意足嘅生活。所以，佢建议话：“你趁年轻嘅日子，就要将你伟大嘅创造主谨记在心。”（传道书12:1）喺今日呢个世界，噉样做虽然唔容易，但并唔系冇可能嘅。有上帝嘅帮助，噉你一生都可以获得成功。而家一齐嚟睇吓，我哋从以色列人征服应许之地、大卫迎战歌利亚呢两个例子，可以学到乜嘢。

4,5． 我哋从以上呢两个圣经事例学到乜嘢？（请睇吓课文开头嘅图片）

⁴ 以色列人接近应许之地嗰时，耶和华冇叫佢哋接受一啲军事训练或者提高自己嘅作战技能，而系吩咐佢哋要服从佢嘅诫命并信赖佢。（申命记28:1,2；约书亚记1:7-9）从人嘅角度嚟睇，呢个吩咐唔系好实际。不过，其实呢个先至系最好嘅建议，因为后来耶和华帮助佢嘅子民喺迦南地取得一次又一次嘅胜利。（约书亚记24:11-13）冇错，服从上帝需要信心，而信心一定会带嚟成功。无论过去定系而家，呢个真理都冇改变。

⁵ 歌利亚系一个强大嘅战士，佢身高大约2.9米（9.5英尺），有优良嘅装备。（撒母耳记上17:4-7）而大卫就只系得两样嘢：一条投石带同佢对耶和华上帝嘅信心。嗰啲对上帝冇信心嘅人觉得，大卫迎战歌利亚真系好愚蠢。不过，佢哋错嘞！愚蠢嘅其实系歌利亚。（撒母耳记上17:48-51）

6． 呢篇课文会讨论乜嘢？

⁶ 上一篇课文讨论过，可以使我哋得享快乐同成功生活嘅四件事，分别系：满足我哋嘅属灵需要、结交爱耶和华嘅好友、定立有价值嘅目标同埋珍视作为上帝子民嘅自由。呢篇课文会再一次深入探讨呢四件事，亦都睇吓诗篇第16篇嘅一啲原则。

满足你嘅属灵需要

7． （甲）你会点样描述一个属灵嘅人？（乙）大卫嘅“产业”系乜嘢？呢个点样影响佢？

⁷ 一个属灵嘅人会信赖上帝，亦都识得用上帝嘅观点睇问题。佢会向上帝寻求指引，决心服从佢。（哥林多前书2:12,13）大卫就系一个好例子。佢话：“耶和华系我分得嘅产业，系我杯中嘅美酒。”（诗篇16:5）呢度所讲嘅“产业”，包括大卫同耶和华嘅亲密关系。因为噉，佢可以向耶和华寻求庇护。（诗篇16:1）结果点样？大卫话：“我高尚嘅心灵喜乐”。的确，冇任何嘢比亲近耶和华更能够令大卫喜乐。（请读诗篇16:9,11）

8． 乜嘢可以使你得到真正心满意足嘅生活？

⁸ 大卫所体验到嘅喜乐，唔会临到嗰啲追求享乐同财富嘅人身上。（提摩太前书6:9,10）一个喺加拿大嘅弟兄话：“真正嘅满足感，唔系嚟自生活上得到嘅嘢，而系因为我哋可以为厚赐百物嘅耶和华上帝有所付出。”（雅各书1:17）冇错，对耶和华培养信心，全心事奉佢，可以带俾你满足感同有意义嘅生活。你可以点样使自己有更稳固嘅信心呢？你要花时间同耶和华喺一齐。具体点样做？阅读佢嘅话语；观察佢创造嘅万物；沉思佢嘅特质，特别系佢对你嘅爱。（罗马书1:20；5:8）

9． 你可以点样受上帝嘅话语塑造？

⁹ 上帝有时会好似仁爱嘅父亲噉纠正我哋，以此表明佢对我哋嘅爱。大卫好珍视上帝仁慈嘅劝告，佢话：“我要称颂耶和华，因为佢规劝我。夜间，我内心嘅深处纠正我。”（诗篇16:7）冇错，大卫沉思并全心接纳上帝嘅思想，使自己受上帝嘅思想塑造。如果你怀住信心噉样做，就可以加深对上帝嘅爱。你会更加乐意服从佢，亦都会成为一个更成熟嘅基督徒。一个叫做克莉丝汀嘅姊妹话：“我做个人研读同沉思读过嘅资料嗰阵会感觉到，呢啲资料就系耶和华为我而写嘅！”

10． 根据以赛亚书26:3，属灵嘅观点对我哋嘅人生有乜嘢帮助？

¹⁰ 如果你有属灵嘅观点，耶和华就会赐俾你卓越嘅知识同洞察力，使你可以从佢嘅角度去睇呢个世界同世界嘅未来。点解耶和华俾你呢啲知识同洞察力？佢希望你知道喺生活上乜嘢系最重要嘅，可以作出明智嘅决定，并怀住信心期待未来。（请读以赛亚书26:3）美国有个叫乔舒亚嘅弟兄，佢话：“同耶和华保持亲密嘅关系，噉我哋对所有事情都会有正确嘅睇法。”佢讲得一啲都冇错！

结交真朋友

11． 大卫结交好友嘅秘诀系乜嘢？

¹¹ 请读诗篇16:3。大卫知道结交真朋友嘅秘诀。佢“全心喜爱”嗰啲爱耶和华嘅人，觉得同佢哋做朋友系一件好开心嘅事。佢将呢啲朋友称为“圣民”，因为佢哋道德洁净，为人正直。另一位诗篇执笔者喺选择朋友方面都有同样嘅感受，佢话：“凡敬畏你、谨守你命令嘅人，都系我嘅朋友。”（诗篇119:63）正如上一篇课文所讲，你都可以喺敬畏并服从耶和华嘅人当中揾到好多好朋友。当然，呢啲朋友可以嚟自唔同嘅年龄层。

12． 大卫同约拿单嘅友谊建立喺乜嘢基础上呢？

¹² 大卫冇只系揾嗰啲同自己年纪差唔多嘅人做朋友。你记唔记得边个系大卫嘅密友呢？就系约拿单。佢哋建立咗喺圣经入面其中一段最真挚嘅友谊。约拿单比大卫大三十岁左右。佢哋嘅友谊建立喺乜嘢基础上呢？就系信赖上帝，彼此尊重，同埋欣赏对方为上帝作战嗰时所表现嘅勇气。（撒母耳记上13:3；14:13；17:48-50；18:1）

13． 你可以点样扩大自己嘅朋友圈？请举例。

¹³ 就好似大卫同约拿单噉，我哋都“全心喜爱”嗰啲爱耶和华，而且对佢表现信心嘅人。事奉耶和华多年嘅基拉话：“我结交嘅朋友遍布世界各地，有唔同嘅文化背景。”如果你都扩大自己嘅朋友圈，噉你就会清楚睇出，上帝嘅话语同圣灵点样将我哋呢个全球嘅属灵大家庭团结起嚟。

追求有价值嘅目标

14． （甲）乜嘢可以帮助你定立有价值嘅人生目标？（乙）一啲年轻人对定立属灵目标有点样嘅感受？

¹⁴ 请读诗篇16:8。大卫一生都专注于事奉耶和华。如果你定立目标嗰阵谨记大卫嘅榜样，凡事都谂吓耶和华希望你点样做，噉你就可以享有真正心满意足嘅人生。一个叫史蒂文嘅弟兄话：“努力追求并达到一个目标之后，睇到自己取得嘅进步真系好有满足感。”一个喺外地服务嘅德国年轻弟兄话：“我唔希望老咗之后回顾自己一生嗰时先发现，原来所做嘅一切都只系为咗自己。”如果你都有同样嘅感受，请用你嘅恩赐嚟荣耀上帝，同埋为其他人服务。（加拉太书6:10）你可以先为自己定立属灵目标，然后祷告祈求耶和华帮助你达到呢啲目标。佢一定好乐意回应你嘅祷告。（约翰一书3:22；5:14,15）

15． 你会为自己定立乜嘢目标？（请睇附栏“一啲实际嘅目标”）

¹⁵ 你可以定立乜嘢目标呢？可以喺聚会嗰时用自己嘅话嚟回答问题，做先驱或者去伯特利服务。你可能努力学习紧另一种语言，希望将来去外语地区服务。巴拉克系一个年轻嘅全时仆人，佢话：“朝早瞓醒嗰阵，知道自己每日都将全部精力献俾耶和华，呢种感觉系其他任何活动都俾唔到我嘅。”

珍视上帝所赐嘅自由

16． 大卫对上帝嘅正义标准有乜嘢睇法？点解？

¹⁶ 请读诗篇16:2,4。正如上一篇课文提到，上帝正义嘅律法同原则帮助我哋喜爱良善，憎恨邪恶，从而得享自由。（阿摩司书5:15）诗篇执笔者大卫话自己嘅“良善唔能够带俾［耶和华］乜嘢益处”，因为佢清楚知道耶和华先至系良善嘅源头。良善系一种高尚嘅品德或美德。大卫努力效法上帝，爱耶和华所爱，同时恨耶和华所恨。耶和华憎恨嘅其中一样就系拜偶像。呢种行为会贬低人类，而且将耶和华先至配得嘅荣耀归于凡人或者其他受造物。（以赛亚书2:8,9；启示录4:11）

17,18． （甲）大卫话，参与错误嘅崇拜会招致乜嘢恶果？（乙）今日，乜嘢令一啲人“痛苦必多”？

¹⁷ 喺圣经时代，错误崇拜往往涉及下流放荡嘅性行为。（何西阿书4:13,14）可以肯定嘅系，呢种形式嘅崇拜对好多顺应肉体欲望嘅人嚟讲，的确好有吸引力。不过噉样做，系咪可以得到长久嘅快乐呢？根本冇可能！大卫话：“追随其他神嘅人，痛苦必多。”有啲参与错误崇拜嘅人，甚至将自己嘅儿女作为祭牲献俾假神！（以赛亚书57:5）耶和华痛恨呢啲残忍嘅做法！（耶利米书7:31）如果你生活喺嗰个时代，而你嘅父母系信奉耶和华嘅话，你肯定会好感激佢哋同埋服从佢哋。

¹⁸ 今日亦都一样，错误嘅崇拜往往宽容性不道德，甚至宽容同性恋。但系，从圣经时代以来，呢啲所谓嘅道德自由带嚟嘅后果始终都冇改变。（哥林多前书6:18,19）正如你所知道嘅一样，呢啲人“痛苦必多”。所以年轻人，要听从你嘅天父，坚信服从上帝先可以为自己带嚟最大嘅益处。另外要牢记，错误嘅行为对你造成嘅伤害远远超过暂时嘅欢愉。（加拉太书6:8）上文提到嘅乔舒亚话：“我哋可以随意运用自己嘅自由，但系滥用嘅话，就唔能够使自己得到满足感。”

19,20． 年轻人信赖并服从耶和华会得到乜嘢福分？

¹⁹ 耶稣对佢嘅门徒讲：“你哋时刻遵守我讲嘅话，就真系我嘅门徒喇。你哋会认识真理，真理会使你哋自由。”（约翰福音8:31,32）呢种自由，包括使人从错误宗教、愚昧无知、迷信或者其他方面得到释放。我哋期望喺将来得享“上帝儿女荣耀嘅自由”。（罗马书8:21）如果我哋“时刻遵守［基督］讲嘅话”或者教导，而家就可以品尝到呢种自由嘅滋味。噉样，你就会“认识真理”。点样认识？除咗学习真理，仲要将真理实践出嚟。

²⁰ 年轻人，请珍视上帝已经赐俾你嘅自由。要善用呢种自由，为未来打好基础。一个年轻弟兄话：“而家就明智运用自由，对年轻人嚟讲真系好有帮助，因为以后你会面对更大嘅抉择，例如揾一份点样嘅工作，选择结婚抑或喺一段时间内保持独身。”

21． 你可以点样继续行走通往“真正嘅生命”嘅道路？

²¹ 喺呢个旧嘅事物制度，就算所谓嘅美好生活都系短暂嘅。今日唔知听日事。（雅各书4:13,14）明智嘅做法系，“紧握真正嘅生命”，继续行走通往永生嘅道路。（提摩太前书6:19）当然，上帝唔会强迫我哋行呢条路。选择权喺我哋手上。要使耶和华成为你嘅“产业”，珍视佢赐俾你嘅各样“美物”。（诗篇103:5）同时，要相信佢能够俾你“满足嘅欢欣”同“永远嘅……福乐”。（诗篇16:11）